ടി-20 ലോകകപ്പിൽ ഏവരും ഉറ്റുനോക്കുന്ന അതിനിർണായക മത്സരമാണ് ഇന്ത്യ-വെസ്റ്റ് ഇൻഡീസ് പോരാട്ടം. ഞായറാഴ്ച കൊൽക്കത്ത ഈഡൻ ഗാർഡൻസിലാണ് മത്സരം നടക്കുന്നത്. ഈ മത്സരം വിജയിക്കുന്നവർ സെമി ടിക്കറ്റെടുക്കും. വിൻഡീസിനെതിരെ പരാജയപ്പെട്ടാൽ ഇന്ത്യ ലോകകപ്പിൽ നിന്നും പുറത്താകും. 

ഇപ്പോൾ ഈ മത്സരത്തിന് മുന്നോടിയായി ഇന്ത്യൻ പരിശീലകൻ ഗൗതം ഗംഭീറിനെക്കുറിച്ച് സംസാരിച്ചിരിക്കുകയാണ് മുൻ ഇംഗ്ലണ്ട് താരം സ്റ്റീവ് ഹാർമിൻസൺ. ഇന്ത്യ ലോകകപ്പ് നേടിയില്ലെങ്കിൽ ഗംഭീറിനെ പരിശീലകസ്ഥാനത്ത് നിന്നും പുറത്താക്കണമെന്നാണ് ഹാർമിൻസൺ പറഞ്ഞത്. ടോപ്‌സ്‌പോർട് ക്രിക്കറ്റ് എന്ന യുട്യൂബ് ചാനലിലൂടെ സംസാരിക്കുകയായിരുന്നു മുൻ ഇംഗ്ലീഷ് താരം. 

''ഗംഭീറിനെ ഇഷ്ടപ്പെടാൻ പ്രയാസമാണ്. കാരണം അദ്ദേഹം വളരെ കർക്കശക്കാരനാണ്. ഡ്രസിങ് റൂമിലുള്ള അദ്ദേഹത്തിന്റെ പെരുമാറ്റത്തെക്കുറിച്ച് എനിക്ക് അറിയില്ല. ഒരു പരിശീലകനെന്ന നിലയിൽ നിങ്ങൾക്ക് അഹങ്കാരം മാത്രം ഉള്ളുവെങ്കിൽ വിജയം നേടാൻ സാധിക്കും. ഇന്ത്യ ലോകകപ്പ് നേടിയില്ലെങ്കിൽ അദ്ദേഹത്തെ പുറത്താക്കണം. എന്നാൽ അദ്ദേഹം ഇതുവരെ പരിശീലിപ്പിച്ച രീതി എനിക്കിഷ്ടപ്പെട്ടു'' സ്റ്റീവ് ഹാർമിൻസൺ പറഞ്ഞു. 

സൂപ്പർ ഏട്ടിലെ ആദ്യ മത്സരത്തിൽ സൗത്ത് ആഫ്രിക്കയോട് പരാജയപ്പെട്ട ഇന്ത്യ സിംബാബ്വെക്കെതിരെയുള്ള മത്സരം വിജയിച്ചുകൊണ്ട് സെമി ഫൈനൽ സാധ്യതകൾ ശക്തമായി നിലനിനിർത്തുകയായിരുന്നു. സിംബാബ്‌വെയെ 72 റൺസിനാണ് ഇന്ത്യ കീഴടക്കിയത്. മത്സരത്തിൽ ആദ്യം ബാറ്റ് ചെയ്ത ഇന്ത്യ ഉയർത്തിയ 256 റൺസ് നേടിയപ്പോൾ വിജയലക്ഷ്യം പിന്തുടർന്ന സിംബാബ്‌വെ ഇന്നിങ്സിൽ 184 റൺസിൽ അവസാനിച്ചു. 

The India-West Indies clash is the most awaited match of the T20 World Cup. Ahead of this match, former England player Steve Harminson has spoken about Indian coach Gautam Gambhir. Harminson said that if India does not win the World Cup, Gambhir should be sacked as coach.