കൊല്‍കത്ത: കൊല്‍ക്കത്ത നഗരത്തിലും പരിസരപ്രദേശങ്ങളിലും ഭൂചലനം. റിക്ടര്‍ സ്‌കെയിലില്‍ 5.4 രേഖപ്പെടുത്തിയ ഭൂചലനമാണ് ഇന്ന് ഉച്ചയോടെ ഉണ്ടായത്. പരിഭ്രാന്തരായ ജനങ്ങള്‍ കെട്ടിടങ്ങളില്‍ നിന്ന് പുറത്തേക്കോടി. ആളപായമോ നാശനഷ്ടങ്ങളോ ഇതുവരെ റിപ്പോര്‍ട്ട് ചെയ്യപ്പെട്ടിട്ടില്ല. ബംഗ്ലാദേശാണ് ഭൂചലനത്തിന്റെ പ്രഭവ കേന്ദ്രമെന്നാണ് സൂചന.  

ഏതാനും സെക്കന്‍ഡുകള്‍ ഭൂചലനം നീണ്ടുനിന്നതായാണ് പ്രാഥമികവിവരം. വലിയ കെട്ടിടങ്ങളില്‍ നിന്ന് ആളുകളെ ഒഴിപ്പിച്ചു. സ്‌കൂളുകളില്‍ നിന്ന് വിദ്യാര്‍ഥികളെ തുറസ്സായ സ്ഥലത്തേക്ക് മാറ്റി. വീട്ടുപകരണങ്ങളും ജനാലകളും മറ്റും ഭൂചലനത്തില്‍ ഇളകുന്നതിന്റെ വീഡിയോകളും ചിത്രങ്ങളും ആളുകള്‍ സമൂഹമാധ്യമങ്ങളില്‍ പങ്കുവെച്ചിട്ടുണ്ട്.

An earthquake struck Kolkata, causing panic among residents who rushed out of buildings following the tremors. The quake was felt across several parts of the city, prompting precautionary evacuations from residential and commercial structures.