സ്വന്തം ലേഖകന്‍

തിരുവനന്തപുരം: നീണ്ട ഇടവേളയ്ക്കു ശേഷം സംസ്ഥാനത്തെ കോളജുകള്‍ ഉള്‍പെടെയുള്ള ഉന്നത വിദ്യാഭ്യാസ സ്ഥാപനങ്ങള്‍ ഇന്നു തുറക്കും. അവസാന വര്‍ഷ ബിരുദ, ബിരുദാനന്തര വിദ്യാര്‍ഥികള്‍ക്കാണ് ക്ലാസ് തുടങ്ങുന്നത്. മറ്റു ക്ലാസുകള്‍ 18 മുതല്‍ ആരംഭിക്കും. 

ബിരുദാനന്തര ബിരുദ ക്ലാസുകള്‍ മുഴുവന്‍ വിദ്യാര്‍ഥികളെയും ഉള്‍പെടുത്തിയും ബിരുദ ക്ലാസുകള്‍ പകുതിവീതം വിദ്യാര്‍ഥികളെ ഓരോ ബാച്ചാക്കി ഇടവിട്ട ദിവസങ്ങളിലോ പ്രത്യേക ബാച്ചുകളാക്കി ദിവസേനയോ നടത്താനാണ് തീരുമാനം. 

രാവിലെ 8.30 മുതല്‍ 1.30 വരെയുള്ള ഒറ്റ സെഷന്‍ അല്ലെങ്കില്‍ 9 മുതല്‍ 3 വരെ, 9.30 മുതല്‍ 3.30 വരെ എന്നിങ്ങനെയാണ് ക്ലാസുകള്‍. ആഴ്ചയില്‍ 25 മണിക്കൂര്‍ ക്ലാസ് വരത്തക്കവിധം ഓണ്‍ലൈന്‍- ഓഫ്‌ലൈന്‍ ക്ലാസുകള്‍ ഉണ്ടാകും.

എന്‍ജിനിയറിങ് കോളജുകളില്‍ ദിവസേന ആറു മണിക്കൂര്‍ ക്ലാസ് സംവിധാനം തുടരും. ഹോസ്റ്റലുകളും ഇന്നു മുതല്‍ തുറക്കും.