ദോഹ ലോ​ക അ​ക്വാ​ട്ടി​ക്‌​സ്: വ​ള​ന്‍റി​യ​റാ​വാ​ൻ ഇ​പ്പോ​ൾ അ​പേ​ക്ഷി​ക്കാം

ദോ​ഹ: ഖത്തറിൽ നടക്കാനിരിക്കുന്ന ലോ​ക അ​ക്വാ​ട്ടി​ക്‌​സ് ചാ​മ്പ്യ​ൻ​ഷിപ് വ​ള​ന്റി​യറാകാൻ ഇപ്പോൾ അവസരം. പ്രാ​ദേ​ശി​ക ത​ല​ത്തി​ൽ നി​ന്നും ലോ​ക​ത്തി​ന്റെ വി​വി​ധ ഭാ​ഗ​ങ്ങ​ളി​ൽ നി​ന്നു​മു​ള്ള സ​ന്ന​ദ്ധ സേ​വ​ന​ത്തി​ന് താ​ൽ​പ​ര്യ​മു​ള്ള​വ​ർക്ക് അപേക്ഷിക്കാം. 2024 ഫെ​ബ്രു​വ​രി ര​ണ്ട് മു​ത​ൽ 18 വ​രെ ദോ​ഹ​യിലാണ് ചാമ്പ്യൻഷിപ് നടക്കുക.വി​വി​ധ മേ​ഖ​ല​ക​ളി​ലാ​യി ആ​യി​ര​ത്തോ​ളം സ​ന്ന​ദ്ധ പ്ര​വ​ർ​ത്ത​ക​രെ​യാ​ണ് തെിര​ഞ്ഞെ​ടു​ക്കുക.

മിഡിൽ ഈസ്റ്റിൽ ആ​ദ്യ​മായാണ് ലോ​ക അ​ക്വാ​ട്ടി​ക്‌​സ് ചാ​മ്പ്യ​ൻ​ഷി​പ് വിരുന്നെത്തുന്നത്. ദോ​ഹ​യി​ലെ മൂ​ന്ന് ലോ​കോ​ത്ത​ര വേ​ദി​ക​ളി​ലാ​യി ആ​റ് വ്യ​ത്യ​സ്ത അ​ക്വാ​ട്ടി​ക് കാ​യി​ക ഇ​ന​ങ്ങ​ളി​ൽ മ​ത്സ​രി​ക്കു​ന്ന​തി​ന് ലോ​ക​ത്തി​ലെ ഏ​റ്റ​വും മി​ക​ച്ച താ​ര​ങ്ങ​ളാ​ണ് ഖ​ത്ത​റി​ലെ​ത്തു​ക. സ​ന്ന​ദ്ധ സേ​വ​ന​ത്തി​ന് താ​ൽ​പ​ര്യ​മു​ള്ള​വ​ർ ഖ​ത്ത​റി​ന്റെ ച​രി​ത്ര​ത്തി​ലെ നാ​ഴി​ക​ക്ക​ല്ലാ​യ ചാ​മ്പ്യ​ൻ​ഷി​പ്പി​ന്റെ ഭാ​ഗ​മാ​കാ​നും അ​തി​ന്റെ വി​ജ​യ​ത്തി​ന് സം​ഭാ​വ​ന ന​ൽ​കാ​നും മു​ന്നോ​ട്ട് വ​ര​ണ​മെ​ന്നും ദോ​ഹ 2024 സം​ഘാ​ട​ക​സ​മി​തി അ​റി​യി​ച്ചു.

2024 ഫെ​ബ്രു​വ​രി 23നും ​മാ​ർ​ച്ച് 3നും ​ഇ​ട​യി​ൽ ന​ട​ക്കു​ന്ന വേ​ൾ​ഡ് അ​ക്വാ​ട്ടി​ക്‌​സ് മാ​സ്റ്റേ​ഴ്‌​സ് ചാ​മ്പ്യ​ൻ​ഷി​പ്പി​ന്റെ ഭാ​ഗ​മാ​കാ​നും സ​ന്ന​ദ്ധ പ്ര​വ​ർ​ത്ത​ക​ർ​ക്ക് ര​ജി​സ്റ്റ​ർ ചെ​യ്യാ​നാ​കും. ഇ​വ​ന്റ് ലോ​ജി​സ്റ്റി​ക്‌​സ്, കാ​ഴ്ച​ക്കാ​ർ​ക്കു​ള്ള സേ​വ​നം, മീ​ഡി​യ, ക​മ്യൂ​ണി​ക്കേ​ഷ​ൻ​സ് തു​ട​ങ്ങി വി​വി​ധ വ​കു​പ്പു​ക​ളി​ൽ സ​ന്ന​ദ്ധ പ്ര​വ​ർ​ത്ത​ക​ർ​ക്ക് ത​ങ്ങ​ളു​ടേ​താ​യ ക​ഴി​വു​ക​ൾ പ്ര​ക​ടി​പ്പി​ക്കാ​നു​ള്ള അ​വ​സ​ര​മു​ണ്ടാ​യി​രി​ക്കും.

വ​ള​ന്‍റി​യ​ർ ആ​കു​ന്ന​തി​ന് https://volunteer.worldaquatics-doha2024.com/Pages/New.aspx എ​ന്ന വെ​ബ്‌​സൈ​റ്റി​ലൂ​ടെ ര​ജി​സ്റ്റ​ർ ചെ​യ്യാം.