കണ്ണൂര്‍ : പയ്യന്നൂര്‍ ദേശീയ പാതയില്‍ എടാട്ട് കണ്ണങ്കാട്ട് ബസ് സ്റ്റോപ്പിന് സമീപം നിയന്ത്രണം വിട്ട ബസിടിച്ച് സ്‌കൂട്ടര്‍ യാത്രികനായ പുതിയങ്ങാടി മൊട്ടാമ്പ്രം സ്വദേശി അച്ചുമ്മാടത്ത് ഷെരീഫ് (36) ആണ് മരിച്ചത്. അപകടത്തില്‍ ഗുരുതരമായി പരിക്കേറ്റ മറ്റൊരാളെ പെരിയാരം മെഡിക്കല്‍ കോളേജില്‍ പ്രവേശിപ്പിച്ചു. കണ്ണൂരില്‍ നിന്നും പയ്യന്നൂരേക്ക് വരികയായിരുന്ന സ്വകാര്യ ബസും കണ്ണങ്ങാട്ട് ബസ് സ്റ്റോപ്പിന് സമീപത്ത് വെച്ച് കൂട്ടിയിടിച്ചാണ് അപകടമുണ്ടായത് .അപകടത്തില്‍ ബൈക്ക് യാത്രികന്‍ മരിച്ചു. രാത്രി ഏഴ് മണിക്കാണ് സംഭവം. നിയന്ത്രണം വിട്ട ബസ് റോഡ് സൈഡിലെ കുറ്റിക്കാട്ടില്‍ പതിച്ചു . അപകടത്തില്‍ പരിക്കേറ്റ സ്‌കൂട്ടര്‍ യാത്രികനെ പരിയാരം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു