തിരുവനന്തപുരം: തിരുവനന്തപുരം കടയ്ക്കാവൂരിലെ വിളമൂലയില്‍ സംഘര്‍ഷം. അഞ്ചു പേര്‍ക്ക് കുത്തേറ്റു. പരിക്കേറ്റവരെ തിരുവനന്തപുരം മെഡിക്കല്‍ കോളജില്‍ പ്രവേശിപ്പിച്ചു. ഒരാളുടെ നില ഗുരുതരമാണ്. ക്രിമിനല്‍ സംഘങ്ങള്‍ തമ്മിലുള്ള പകയാണ് സംഘര്‍ഷത്തിന് പിന്നിലെന്ന് കടയ്ക്കാവൂര്‍ പൊലീസ് അറിയിച്ചു. പൊലീസ് അന്വേഷണം ആരംഭിച്ചു. രണ്ട് സംഘങ്ങളായി തിരിഞ്ഞാണ് സംഘര്‍ഷം ഉണ്ടായതെന്നും സംഭവത്തില്‍ മൂന്ന് പേരെ സംശയിക്കുന്നതായും പൊലീസ് അറിയിച്ചു.

തിരുവനന്തപുരം കടയ്ക്കാവൂരില്‍ സംഘര്‍ഷം; അഞ്ചു പേര്‍ക്ക് കുത്തേറ്റു