മുഖ്യപ്രതികള്‍ അറസ്റ്റില്‍

ന്യൂഡല്‍ഹി: രജ്പുത് കര്‍ണിസേന നേതാവ് സുഖ്‌ദേവ് സിംഗ് ഗോഗമേദിയുടെ കൊലപാതകത്തില്‍ മുഖ്യപ്രതികള്‍ അറസ്റ്റില്‍. മുഖ്യ പ്രതികളായ രോഹിത് റാത്തോഡും നിതിന്‍ ഫൗജി ഉള്‍പ്പെടെ 3 പേരെയാണ് ചണ്ഡീഗഡില്‍ നിന്ന് പിടികൂടിയത്.

ഡല്‍ഹി പൊലിസും രാജസ്ഥാന്‍ പൊലിസുമായി സംയുക്തമായി നടത്തിയ ഓപ്പറേഷനിലാണ് പ്രതികളെ അറസ്റ്റ് ചെയ്തത്. പ്രതികളെ ഡല്‍ഹിയില്‍ പൊലിസ് ചോദ്യം ചെയ്തു വരികയാണ്.

ജയ്പുരിലെ വസതിയില്‍വച്ചാണ് ഗോഗമേദിയെ വെടിവച്ചു കൊന്നത്. സുഖ്ദേവ് സുരക്ഷ ആവശ്യപ്പെട്ടിട്ടും നല്‍കാതിരുന്നതാണ് കൊലപാതകത്തിന് കാരണമായതെന്ന് കര്‍ണി സേനയും ബിജെപിയും ആരോപിച്ചിരുന്നു.