നടന്‍ ദേവന്‍ ബി.ജെ.പി സംസ്ഥാന ഉപാധ്യക്ഷന്‍

തിരുവനന്തപുരം: നടന്‍ ദേവനെ ബി.ജെ.പി സംസ്ഥാന ഉപാധ്യക്ഷനായി നിയമിച്ചു. സംസ്ഥാന അധ്യക്ഷന്‍ കെ സുരേന്ദ്രന്‍ ഫെയ്‌സ്ബുക്ക് പോസ്റ്റിലൂടെയാണ് വിവരം പുറത്തുവിട്ടത്.

2004 ല്‍ കേരള പീപ്പിള്‍സ് പാര്‍ട്ടി എന്ന പേരില്‍ പാര്‍ട്ടി രൂപീകരിച്ച ദേവന്‍ പിന്നീട് ഇതിനെ ബി.ജെ.പിയില്‍ ലയിപ്പിക്കുകയായിരുന്നു. കെ സുരേന്ദ്രന്‍ നിയച്ച വിജയ യാത്രയുടെ സമാപനത്തിലായിരുന്നു ലയനം. നേരത്തെ ദേവന്‍ രണ്ട് തെരഞ്ഞെടുപ്പുകളില്‍ മത്സരിച്ചെങ്കിലും പരാജയപ്പെട്ടിരുന്നു