റോഡിൽ യുവാവിന്റെ അഭ്യാസപ്രകടനം; ബൈക്ക് പി​ടി​ച്ചെ​ടു​ത്ത് തകർത്തു

ദോ​ഹ: റോഡിൽ അഭ്യാസം നടത്തുന്നവർക്ക് ശക്തമായ താക്കീതുമായി ഖ​ത്ത​ർ ആ​ഭ്യ​ന്ത​ര മ​ന്ത്രാ​ല​യം. പ്ര​ധാ​ന പാ​ത​യി​ൽ അ​ഭ്യാ​സ​പ്ര​ക​ട​നം ന​ട​ത്തിയ യുവാവിനെ അറസ്റ്റ് ചെയ്യുകയും ബൈക്ക് പി​ടി​ച്ചെ​ടു​ത്ത് തകർക്കുകയും ചെയ്തു. തി​ര​ക്കേ​റി​യ പാ​ത​യി​ലൂ​ടെ ഓ​ടു​ന്ന ബൈ​ക്കി​നു മു​ക​ളി​ൽ നി​ന്നു​കൊ​ണ്ട് അ​ഭ്യാ​സ​പ്ര​ക​ട​നം നടത്തിയ യുവാവിനെതിരെയാണ് നടപടിയെടുത്തത്. ബൈക്കിൽ അഭ്യാസം നടത്തുന്ന ദൃ​ശ്യ​ങ്ങ​ൾ ആ​ഭ്യ​ന്ത​ര മ​ന്ത്രാ​ല​യം പുറത്തുവിട്ടു.

ഇ​ത്ത​രം നി​യ​മ​ലം​ഘ​ന​ങ്ങ​ൾ ന​ട​ത്തു​ന്ന​വ​ർ​ക്ക് ഒ​രു മാസം മുതൽ മൂന്ന് വർഷം വരെ തടവുശിക്ഷ ലഭിക്കും. ഇതോടൊപ്പം, 10,000 റി​യാ​ലി​ൽ കു​റ​യാ​ത്ത​തും 50,000 റി​യാ​ലി​ൽ കൂ​ടാ​ത്ത​തു​മാ​യ പി​ഴ​യും ലഭിക്കും. ഇതിന് പുറമെ വാഹനം കണ്ടുകെട്ടുകയോ തകർക്കുകയോ ചെയ്യും. ആളുകളുടെ ജീവന് സുരക്ഷിതത്വം നൽകുന്നതിന്റെ ഭാഗമായാണ് ഇത്തരം അഭ്യാസ പ്രകടനങ്ങൾ റോഡിൽ നടത്തുന്നത് നിരോധിച്ചത്.

നേ​ര​ത്തേയും ഇത്തരം നിയമലംഘനങ്ങൾക്കെതിരെ ഖ​ത്ത​ർ ആ​ഭ്യ​ന്ത​ര മ​ന്ത്രാ​ല​യം ശക്തമായ നടപടിയെടുത്തിട്ടുണ്ട്. ഈയിടെ നി​യ​മ​ലം​ഘ​നം ന​ട​ത്തി അ​പ​ക​ട​ക​ര​മാ​യ രീ​തി​യി​ൽ ഡ്രൈ​വ് ചെ​യ്ത കാ​റും സ​മാ​ന​മാ​യി​ത​ന്നെ പി​ടി​ച്ചെ​ടു​ത്ത് ന​ശി​പ്പി​ച്ചി​രു​ന്നു.