തിരുവനന്തപുരം: കാറും ബൈക്കും കൂട്ടിയിടിച്ച് ബൈക്ക് യാത്രക്കാരനായ എംബിബിഎസ് വിദ്യാര്‍ഥി മരിച്ചു. രണ്ടുപേര്‍ സഞ്ചരിച്ച ബൈക്കിലെ മറ്റൊരു എംബിബിഎസ് വിദ്യാര്‍ഥിക്ക് ഗുരുതരമായി പരുക്കേറ്റു.

വെഞ്ഞാറമൂട് ഗോകുലം മെഡിക്കല്‍ കോളജ് വിദ്യാര്‍ഥി നിതിന്‍ഹരിയാണ് മരിച്ചത്. ഗുരുതരമായി പരുക്കേറ്റ വിഷ്ണുവിനെ ആശുപത്രിയില്‍ പ്രവേശിപ്പിച്ചിരിക്കുകയാണ്.

ഇന്ന് പുലര്‍ച്ചെ നാലരയോടെയാണ് അപകടം നടന്നത്.ഗോകുലം മെഡിക്കല്‍ കോളേജില്‍ നിന്നും റെയില്‍വേ സ്റ്റേഷനിലേക്ക് പോകുന്നതിനിടെയായിരുന്നു അപകടം.

മദ്യലഹരിയില്‍ വാഹനമോടിച്ച ഇന്നോവ ഡ്രൈവര്‍, വിദ്യാര്‍ഥികള്‍ സഞ്ചരിച്ചിരുന്ന ബൈക്കില്‍ ഇടിക്കുകയായിരുന്നു.