തേഞ്ഞിപ്പലം: താഴെചേളാരി വെളിമുക്ക് എ.യു.പി സ്‌കൂളിന്റെ പഴയ കെട്ടിടം പൊളിച്ചുനീക്കുന്നു.
    ചേളാരി അങ്ങാടിയില്‍ പ്രവര്‍ത്തിച്ചിരുന്ന എട്ടു കെട്ടിടങ്ങളാണ് കാലപ്പഴക്കം കാരണം പൊളിച്ചുമാറ്റുന്നത്. തുടര്‍ന്നു ദേശീയപാതയില്‍നിന്നു 250 മീറ്റര്‍ മാറി പുതിയ കെട്ടിടം നിര്‍മിക്കുകയും സ്‌കൂള്‍ പ്രവര്‍ത്തം അവിടേക്കു മാറ്റുകയും ചെയ്തിരുന്നു. കവി കുഞ്ഞുണ്ണി മാഷ് അധ്യാപകനായി ആദ്യം ജോലി ചെയ്തത് ഈ സ്ഥാപനത്തിലായിരുന്നു. മന്ത്രി കെ.ടി ജലീല്‍ ഇവിടെ പഠിച്ചിട്ടുണ്ട്. കെട്ടിടങ്ങള്‍ പൊളിച്ചുമാറ്റുന്നതിന്റെ ഭാഗമായി മേല്‍ക്കൂരയിലെ ഓടുകള്‍ താഴെയിറക്കി.അനുബന്ധ പ്രവര്‍ത്തനങ്ങള്‍ നടന്നുവരുന്നു.