അബൂദബി: ആഗോള റാങ്കിങ്ങിൽ മികവ് രേപ്പെടുത്തി യുഎഇ സർവകലാശാലകൾ. അധ്യാപന മികവ്, രാജ്യാന്തര വിദ്യാഭ്യാസ സഹകരണം, ഗവേഷണം, നിക്ഷേപം തുടങ്ങിയ ഘടകങ്ങൾ അടിസ്ഥാനമാക്കി നടത്തിയ സർവേയിലാണ് യുഎഇ സർവകലാശാലകൾ മികവു കാട്ടിയത്.

മാനവശേഷി വികസനം, വിദ്യാഭ്യാസത്തിന്റെയും ഗവേഷണത്തിന്റെയും ഗുണനിലവാരം ഉയർത്തുക, തൊഴിൽ വിപണിയുടെ ആവശ്യങ്ങളുമായി പൊരുത്തപ്പെടുന്ന പാഠ്യപദ്ധതി തയ്യാറാക്കുക തുടങ്ങിയവയും യുഎഇ സർവകലാശാലകളെ ഈ നേട്ടത്തിലെത്താൻ സഹായിച്ചു. ഏറ്റവും പുതിയ ക്യുഎസ് (ക്വാക്വറെല്ലി സൈമണ്ട്സ്) വേൾഡ് യൂണിവേഴ്സിറ്റി റാങ്കിങ് 2025 പ്രകാരം യുഎഇയെ കൂടാതെ സഊദി അറേബ്യ, ഖത്തർ, ബഹ്റൈൻ, ഒമാൻ തുടങ്ങിയ ജിസിസി രാജ്യങ്ങളിലെ സർവകലാശാലകളും മികവ് രേഖപ്പെടുത്തി.

ഉന്നത വിദ്യാഭ്യാസ സ്‌ഥാപനങ്ങളിലെ വിദ്യാർഥികളുടെ തിരഞ്ഞെടുപ്പിനെ യൂണിവേഴ്‌സിറ്റി റാങ്കിങ് ശക്‌തമായി സ്വാധീനിക്കുന്നുവെന്ന് റിപ്പോർട്ട് വ്യക്തമാക്കുന്നു. നയരൂപീകര വിദഗ്‌ധരെയും സർക്കാർ ഉദ്യോഗസ്ഥരെയും ക്യുഎസ് വേൾഡ് യൂണിവേഴ്സിറ്റി റാങ്കിങ് പോലുള്ള സൂചികകൾ ഏറെ സഹായിക്കുന്നു. വിഭവ വിഹിതം, കോഴ്‌സുകൾ, വിദ്യാഭ്യാസ നയങ്ങൾ, ധനസഹായം തുടങ്ങിയവയെക്കുറിച്ചുള്ള തീരുമാനങ്ങൾ എടുക്കാനും റാങ്കിങ് സഹായിക്കുന്നു.

ഖലീഫ യൂണിവേഴ്‌സിറ്റി, യുഎഇ യൂണിവേഴ്സിറ്റി, അബൂദബി യൂണിവേഴ്‌സിറ്റി, സായിദ് യൂണിവേഴ്‌സിറ്റി, ഷാർജ യൂണിവേഴ്‌സിറ്റി, അമേരിക്കൻ യൂണിവേഴ്‌സിറ്റി ഓഫ് ഷാർജ തുടങ്ങിയവയാണ് രാജ്യത്തെ മികച്ച യൂണിവേഴ്‌സിറ്റികൾ.

ക്യുഎസ് വേൾഡ് യൂണിവേഴ്സിറ്റി റാങ്കിം​ഗ് 2025 മികച്ച 10 സ്ഥാപനങ്ങൾ (അറബ് മേഖല) 

1) കിംഗ് ഫഹദ് യൂണിവേഴ്സിറ്റി ഓഫ് പെട്രോളിയം & മിനറൽസ്, സഊദി അറേബ്യ 
2) ഖത്തർ യൂണിവേഴ്സിറ്റി, ഖത്തർ 
3) കിംഗ് സൗദ് യൂണിവേഴ്സിറ്റി, സഊദി അറേബ്യ  
4) ഖലീഫ യൂണിവേഴ്സിറ്റി ഓഫ് സയൻസ് ആൻഡ് ടെക്നോളജി, യുണൈറ്റഡ് അറബ് എമിറേറ്റ്സ്  
5) യുണൈറ്റഡ് അറബ് എമിറേറ്റ്സ് യൂണിവേഴ്സിറ്റി, യുണൈറ്റഡ് അറബ് എമിറേറ്റ്സ് 
6) അമേരിക്കൻ യൂണിവേഴ്സിറ്റി ഓഫ് ബെയ്റൂട്ട് (AUB), ലെബനൻ 
7) കിംഗ് അബ്ദുൽ അസീസ് യൂണിവേഴ്സിറ്റി (KAU), സഊദി അറേബ്യ 
8) സുൽത്താൻ ഖാബൂസ് യൂണിവേഴ്സിറ്റി, ഒമാൻ  
9) ജോർദാൻ സർവകലാശാല, ജോർദാൻ 
10) അമേരിക്കൻ യൂണിവേഴ്സിറ്റി ഓഫ് ഷാർജ, യുണൈറ്റഡ് അറബ് എമിറേറ്റ്സ് 

UAE universities have made a mark in the QS World Rankings, showcasing their excellence in higher education. Check out the latest rankings to see which UAE universities made the cut. For more info, try searching online for the latest QS World Rankings.