പരപ്പനങ്ങാടി: റെയില്‍വേ സ്റ്റേഷനില്‍ ട്രെയിനില്‍നിന്നു പുക ഉയര്‍ന്നതു പരിഭ്രാന്തി പരത്തി. ഇന്നലെ രാവിലെ പതിനൊന്നോടെ സ്റ്റേഷനിലെത്തിയ സ്‌പെഷല്‍ ട്രെയിനിന്റെ ബോഗിയില്‍നിന്നാണ് പുക ഉയര്‍ന്നത്. ഇന്നലെ ചെറുകുറ്റിയില്‍ പാളം തെറ്റിയ മംഗലാപുരം എക്‌സ്പ്രസിനു പകരം സര്‍വിസ് നടത്തിയിരുന്ന ട്രെയിനാണിത്.പാളം തെറ്റിയ വണ്ടിയിലെ യാത്രക്കാര്‍ക്കു യാത്ര തുടരാന്‍ ഏര്‍പ്പാടാക്കിയതായിരുന്നു ഈ ട്രെയിന്‍. ബോഗിയിലെ യാത്രക്കാരെ ഇറക്കി പരിശോധിച്ചതില്‍ ബ്രേക്ക് ജാമായതാണെന്നു കണ്ടെത്തി. പ്രശ്‌നം പരിഹരിച്ച ശേഷം ട്രെയിന്‍ യാത്ര തുടര്‍ന്നു.