കോഴിക്കോട്: വിജ്ഞാന പ്രതിഭകളെ കണ്ടെത്തുന്നതിനായി സുപ്രഭാതം ദിനപത്രം സംഘടിപ്പിക്കുന്ന ടാലന്റ് ഹണ്ട് മത്സരത്തില്‍ അവസാന ഘട്ടത്തിലേക്ക് യോഗ്യത നേടിയത് പത്തുപേര്‍. പതിനായിരത്തിലധികം  വരുന്ന പ്രതിഭകള്‍ മാറ്റുരച്ച പ്രൈമറി ഘട്ടത്തില്‍ നിന്ന് 100 പേരെയാണ് രണ്ടാംഘട്ടത്തിലേക്ക് തിരഞ്ഞെടുത്തിരുന്നത്. ഏപ്രില്‍ 19ന് ഓണ്‍ലൈനായി നടന്ന  രണ്ടാംഘട്ട മത്സരത്തില്‍ നിന്നാണ് ഗ്രാന്‍ഡ്ഫിനാലെയിലേക്ക് 10 പേരെ തെരഞ്ഞെടുത്തത്.

ഗ്രാന്‍ഡ്ഫിനാലെ ഏപ്രില്‍ 23 ചൊവ്വാഴ്ച രാവിലെ 10 മുതല്‍ കോഴിക്കോട് സുപ്രഭാതം ഹെഡ് ഓഫിസില്‍ വച്ച് നടക്കും. അവസാന ഘട്ടത്തില്‍ ആറ് റൗണ്ടുകളിലായിരിക്കും മത്സരം. ഗ്രാന്‍ഡ്ഫിനാലെയില്‍ വിജയികളാകുന്നവര്‍ക്ക് ഒന്നാം സമ്മാനം ലാപ്‌ടോപ്പും രണ്ടാം സമ്മാനം ടാബും മൂന്നാം സമ്മാനം മൊബൈല്‍ ഫോണും ലഭിക്കും.

ഗ്രാന്‍ഡ്ഫിനാലെയിലേക്ക് യോഗ്യത നേടിയവര്‍
മുഹമ്മദ് യാസീന്‍ പാതിരമണ്ണ, കെവിന്‍ ജിമ്മി കണ്ണൂര്‍, സാദിയ മലപ്പുറം, മുഹമ്മദ് നിഷാദ് പെരിന്തല്‍മണ്ണ, ഫര്‍ഹാ ഫൗസ് തൃശൂര്‍, നാസില ഇരിക്കൂര്‍, ആയിഷ ഫര്‍ഹാന ഫാറൂഖ് കോളജ്, മുഹമ്മദ് മുന്‍സിഫ് പുലാമന്തോള്‍, ഫര്‍ഹാന ഷെറിന്‍ പാലക്കാട്, മുഹമ്മദ് ജെഫിന്‍  കൊടുവള്ളി.