കേരള മീഡിയ അക്കാദമി പിജി ഡിപ്ലോമ കോഴ്‌സ് പ്രവേശനത്തിന് അപേക്ഷ ക്ഷണിച്ചു. ഡിഗ്രിയാണ് അടിസ്ഥാന യോഗ്യത. അവസാന വര്‍ഷ ബിരുദ പരീക്ഷ എഴുതുന്നവര്‍ക്കും അപേക്ഷിക്കാം. 

ജേണലിസം ആന്‍ഡ് കമ്മ്യൂണിക്കേഷന്‍, ടെലിവിഷന്‍ ജേണലിസം, പബ്ലിക് റിലേഷന്‍സ് ആന്‍ഡ് അഡ്വര്‍ടൈസിങ് എന്നീ കോഴ്‌സുകള്‍ക്ക് മേയ് 15 വരെ ഓണ്‍ലൈന്‍ അപേക്ഷ നല്‍കാം. 28 വയസാണ് പ്രായപരിധി. പട്ടിക ജാതി, പട്ടിക വര്‍ഗം, ഒഇസി വിഭാഗക്കാര്‍ക്ക് വയസിളവും ഫീസിളവും ലഭിക്കും. ഓണ്‍ലൈനായാണ് പ്രവേശന പരീക്ഷ നടത്തുക. 

കൂടുതല്‍ വിവരങ്ങള്‍ക്ക് ഫോണ്‍: 04842422275, 9539084444, 8086138827, 9388533920. 

സിവില്‍ സര്‍വീസസ് പ്രിലിമനറി വിജ്ഞാപനം ജനുവരിയില്‍

അടുത്ത വര്‍ഷത്തെ സിവില്‍ സര്‍വീസസ് പ്രിലിമിനറി പരീക്ഷ 2025 മെയ് 25ന് നടക്കും. ഇതിനായുള്ള വിജ്ഞാപനം ജനുവരി 22ന് പ്രസിദ്ധീകരിക്കും. ഫെബ്രുവരി 11 മുതല്‍ യു.പി.എസ്.സി അപേക്ഷ സ്വീകരിക്കും. മെയിന്‍ പരീക്ഷ അടുത്തവര്‍ഷം ആഗസ്ത് 22ന് നടക്കും. എന്‍.ഡി.എ& എന്‍.എ പരീക്ഷ (1) ഏപ്രില്‍ 13നും ഐ.ഇ.എസ്. ഐ.എസ്.എസ് പരീക്ഷ അടുത്ത വര്‍ഷം ജൂണ്‍ 20നും നടക്കും. വിവരങ്ങള്‍ക്ക് : https://upsc.gov.in 

വിദ്യാഭ്യാസ വാർത്തകള്‍ വാട്സ്ആപ്പിൽ ലഭിക്കാന്‍ ക്ലിക് ചെയ്യുക