ലഖ്‌നൗ: ഉത്തര്‍പ്രദേശില്‍ പ്രായപൂര്‍ത്തിയാവാത്ത പെണ്‍കുട്ടിയെ കൂട്ടബലാത്സംഘം ചെയ്തു. ലഖ്‌നൗവിലാണ് സംഭവം. ഏഴ് പേര്‍ ചേര്‍ന്ന് പെണ്‍കുട്ടിയെ തട്ടിക്കൊണ്ടുപോയി പീഡിപ്പിക്കുകയായിരുന്നു. സംഭവത്തില്‍ പെണ്‍കുട്ടിയുടെ അമ്മയുടെ പരാതിയില്‍ ഏഴുപേര്‍ക്കെതിരെ കേസെടുത്തു. 

മെയ് മൂന്നിനാണ് 16കാരിയെ പ്രതികള്‍ തട്ടിക്കൊണ്ടുപോയത്. തുടര്‍ന്ന് ആളൊഴിഞ്ഞ ഗ്യാരേജില്‍ എത്തിച്ച ശേഷം പാനീയത്തില്‍ മയക്കുമരുന്ന് കലര്‍ത്തി കുടിപ്പിച്ചു. ഇവിടെ രണ്ട് ദിവസം ബന്ദിയാക്കി കൂട്ടബലാത്സംഘം ചെയ്യുകയായിരുന്നു. 

കേസില്‍ ഹിമാന്‍ഷു, സാഹില്‍, സമീര്‍, വാഹിദ്, അനില്‍ എന്നിവരടക്കം ഏഴുപേര്‍ക്കെതിരെ പൊലിസ് കേസെടുത്തിട്ടുണ്ട്. കുറ്റകൃത്യത്തിന് ശേഷം പ്രതികള്‍ ഒളിവില്‍ പോയി. ഇവരെ പിടികൂടാന്‍ പ്രത്യേക സംഘം രൂപീകരിച്ചിട്ടുണ്ടെന്നും അന്വേഷണം പുരോഗമിക്കുകയാണെന്നും പൊലിസ് പറഞ്ഞു.