റായ്പൂര്‍: ലോക്സഭാ തെരഞ്ഞെടുപ്പില്‍ എന്‍ഡിഎ സര്‍ക്കാര്‍ ഭൂരിപക്ഷം നേടിയതില്‍ ഒരു യുവാവ് തന്റെ കൈവിരല്‍ മുറിച്ചാണ് കാളിദേവിക്ക് സമര്‍പ്പിച്ചത്. ഛത്തീസ്ഗഡ് സ്വദേശിയും 30കാരനും ബിജെപി അനുയായിയുമായ ദുര്‍ഗേഷ് പാണ്ഡെയാണ് ക്ഷേത്രത്തിലെത്തി വിരല്‍മുറിച്ച് കാളിക്ക് സമര്‍പ്പിച്ചത്.ജൂണ്‍ നാലിന് വോട്ടെണ്ണല്‍ പുരോഗമിക്കുന്നതിനിടയില്‍ ഒരുഘട്ടത്തില്‍ കോണ്‍ഗ്രസ് സ്ഥാനാര്‍ഥികള്‍ മുന്നിട്ട് നിന്നതോടെ ദുര്‍ഗേഷിന് വലിയ വിഷമമായി.

തുടര്‍ന്ന് കാളി ക്ഷേത്രത്തിലെത്തി ബിജെപിയുടെ വിജയത്തിനായി പ്രാര്‍ത്ഥിച്ചു. വോട്ടെണ്ണല്‍ പൂര്‍ത്തിയായതോടെ ബിജെപി വലിയ ഒറ്റക്കക്ഷിയാവുകയും എന്‍ഡിഎയുടെ കേവല ഭൂരിപക്ഷത്തിലേക്ക് എത്തുകയും ചെയ്തപ്പോള്‍ പാണ്ഡെ ആഹ്ലാദഭരിതനായി. ഇതോടെ വീണ്ടും കാളി ക്ഷേത്രത്തില്‍ ചെന്ന് ഇടതുകൈയിലെ വിരല്‍ വെട്ടി ദേവിക്ക് സമര്‍പ്പിക്കുകയായിരുന്നു.