പൊതുപ്രവര്‍ത്തനം അവസാനിപ്പിക്കുമെന്ന തരത്തില്‍ പോസ്റ്റ് ചെയ്ത ട്വീറ്റ് പിന്‍വലിച്ച് മുന്‍ കേന്ദ്രമന്ത്രിയും ബിജെപി നേതാവുമായ രാജീവ് ചന്ദ്രശേഖര്‍.മൂന്നാം നരേന്ദ്ര മോദി സര്‍ക്കാറിന്റെ സത്യപ്രതിജ്ഞക്ക് തൊട്ടുമുമ്പാണ് രാജീവ് ചന്ദ്രശേഖറിന്റെ ട്വീറ്റ്. എന്നാല്‍ അല്‍പ്പസമയത്തിനകം തന്നെ ട്വീറ്റ് അദ്ദേഹം പോസ്റ്റ് പിന്‍വലിച്ചു.

പതിനെട്ട് വര്‍ഷം നീണ്ട പൊതുപ്രവര്‍ത്തനത്തിന് തിരശ്ശീലയിടുന്നു. കഴിഞ്ഞ മൂന്ന് വര്‍ഷക്കാലം പ്രധാനമന്ത്രി നരേന്ദ്ര മോദിയുടെ കീഴില്‍ പ്രവര്‍ത്തിക്കാന്‍ സാധിച്ചതില്‍ സംതൃപ്തനാണെന്നുമായിരുന്നു അദ്ദേഹത്തിന്റെ ട്വീറ്റ്.