ഇത് ചരിത്രം: ഒസീസിനെ അട്ടിമറിച്ച് അഫ്ഗാന്; 127ന് ഓള് ഔട്ട്
കിങ്സ്ടൗണ്: ടി 20 ലോകകപ്പില് കിരീട ഫേവറിറ്റുകളായ കംഗാരുക്കളെ അട്ടിമറിച്ച് അഫ്ഗാനിസ്ഥാന്. 149 റണ്സ് വിജയലക്ഷ്യം പിന്തുടര്ന്ന ഒസീസിനെ 127 റണ്സിനുള്ളില് അഫ്ഗാന് ബൗളര്മാര് ഓള് ഒട്ടാക്കി. ഫലം: 21 റണ്സിന് അഫ്ഗാന് വിജയിച്ചു. അന്താരാഷ്ട്ര ക്രിക്കറ്റില് ഓസ്ട്രേലിയയ്ക്കെതിരേ അഫ്ഗാന്റെ ആദ്യ ജയമാണിത്.
നേരത്തെ ആദ്യം ബാറ്റ് ചെയ്ത അഫ്ഗാനിസ്ഥാന് 6 വിക്കറ്റ് നഷ്ടത്തിലാണ് 148 റണ്സെടുത്തത്. അര്ധ സെഞ്ച്വറി നേടിയ ഓപ്പണര്മാരായ റഹ്മാനുള്ള ഗുര്ബാസിന്റെയും ഇബ്രാഹിം സദ്രാന്റെയും മികച്ച പ്രകടനമാണ് അഫ്ഗാന് തുണയായത്. ഗുര്ബാസ് 60 ഉം, സദ്രാന് 51 റണ്സും നേടി. എന്നാല് അഫ്ഗാന് നിരയില് മറ്റാര്ക്കും മികച്ച പ്രകടനം പുറത്തെടുക്കാനായില്ല.
ഓസീസിന് വേണ്ടി പാറ്റ് കമ്മിന്സ് ഹാട്രിക് നേടി. ലോകകപ്പില് കമ്മിന്സിന്റെ തുടര്ച്ചയായ രണ്ടാം ഹാട്രിക് ആണിത്.
താരതമ്യേന ചെറിയ സ്കോര് ലക്ഷ്യംവച്ച് മറുപടി ബാറ്റിങ്ങിനിറങ്ങിയ ഒസീസിന് ആദ്യ ഓവറില് തന്നെ പ്രഹരമേറ്റു. മൂന്നാം പന്തില് ഓപ്പണര് ട്രാവിസ് ഹെഡ് നവീനുല് ഹഖിന് മുന്നില് ക്ലീന് ബൗള്ഡ്. മൂന്നാം ഓവറില് വാര്ണറും (എട്ട് പന്തില്നിന്ന് മൂന്ന്) മടങ്ങിയതോടെ ഒസീസ് പരാജയം മുന്നില്ക്കണ്ടു. അര്ധസെഞ്ച്വറി നേടിയ ഗ്ലെന് മാക്സ്വെല് മാത്രമാണ് ഓസീസിന് വേണ്ടി പൊരുതിയത്. മാക്സ്വെല് 59 റണ്സെടുത്ത് പുറത്തായി. 12 റണ്സെടുത്ത മിച്ചല് മാര്ഷ്, 11 റണ്സെടുത്ത സ്റ്റോയ്നിസ് എന്നവരാണ് രണ്ടക്കം കടന്ന മറ്റ് ഓസീസ് ബാറ്റര്മാര്. നാലു വിക്കറ്റെടുത്ത ഗുല്ബാദിന് നയീബും മൂന്നു വിക്കറ്റെടുത്ത നവീന് ഉല് ഹഖുമാണ് പേരുകേട്ട ഒസീസ് നിരയെ തകര്ത്തത്.
Afghanistan vs Australia Highlights
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."