ദോഹ: പ്രമുഖ ബ്രിട്ടീഷ് ഭക്ഷണ വിതരണ ശൃംഖലയായ 'ഡെലിവെറൂ' (Deliveroo) സിംഗപ്പൂര്‍, ഖത്തര്‍ എന്നീ രാജ്യങ്ങളിലെ സേവനം നിര്‍ത്തലാക്കുന്നു. ഡെലിവെറൂവിനെ ഏറ്റെടുത്ത യുഎസ് കമ്പനിയായ ഡോര്‍ഡാഷ് (Door Dash) ആണ് ഈ വിവരം അറിയിച്ചത്. കഴിഞ്ഞ വര്‍ഷമാണ് ലണ്ടന്‍ ആസ്ഥാനമായുള്ള ഡെലിവെറൂവിനെ ഡോര്‍ഡാഷ് സ്വന്തമാക്കിയത്. സിംഗപ്പൂര്‍, ഖത്തര്‍ വിപണികള്‍ക്ക് പുറമെ ജപ്പാന്‍, ഉസ്‌ബെക്കിസ്ഥാന്‍ എന്നിവിടങ്ങളില്‍ നിന്ന് തങ്ങളുടെ മറ്റൊരു പ്ലാറ്റ്‌ഫോമായ 'വോള്‍ട്ടി'നെയും (Wolt) പിന്‍വലിക്കാന്‍ കമ്പനി തീരുമാനിച്ചു. ഈ രാജ്യങ്ങളിലെ പ്ലാറ്റ്‌ഫോമുകള്‍ മാര്‍ച്ച് നാലു വരെ മാത്രമേ പ്രവര്‍ത്തിക്കുകയുള്ളൂവെന്ന് കമ്പനി അറിയിച്ചു. സിംഗപ്പൂരിലെയും ഖത്തറിലെയും പിന്മാറ്റം ഏകദേശം 85 ജീവനക്കാരെ ബാധിക്കും.

ബെംഗളൂരുവിലെ കേന്ദ്രം പൂട്ടുന്നു

ഇന്ത്യയിലെ ബെംഗളൂരുവിലുള്ള ഡെലിവെറൂവിന്റെ എഞ്ചിനീയറിംഗ് ഹബ്ബ് നിര്‍ത്തലാക്കാനും ഡോര്‍ഡാഷ് തീരുമാനിച്ചു. ഇത് ഏകദേശം 100 ഓളം ജീവനക്കാരെ ബാധിക്കും. ഹൈദരാബാദിലെ കേന്ദ്രമായിരിക്കും ഇനി ഇന്ത്യയിലെ പ്രധാന എഞ്ചിനീയറിംഗ് ഹബ്ബ്. ഈ മാറ്റങ്ങളിലൂടെ ലാഭിക്കുന്ന തുക യുകെയിലെ സാങ്കേതിക വികസനത്തിനായി ഉപയോഗിക്കാനാണ് കമ്പനിയുടെ ലക്ഷ്യം.

മാറ്റത്തിന് പിന്നില്‍

ഓരോ രാജ്യത്തെയും വിപണി സാഹചര്യങ്ങള്‍ വിലയിരുത്തിയ ശേഷമാണ് തീരുമാനമെന്ന് ഡോര്‍ഡാഷ് ഇന്റര്‍നാഷണല്‍ മേധാവി മിക്കി കൂസി പറഞ്ഞു. ദീര്‍ഘകാലാടിസ്ഥാനത്തില്‍ വളര്‍ച്ചാസാധ്യതയുള്ള വിപണികളില്‍ കൂടുതല്‍ ശ്രദ്ധ കേന്ദ്രീകരിക്കുന്നതിന്റെ ഭാഗമായാണ് ഈ നടപടി. ഏകദേശം 2.9 ബില്യണ്‍ പൗണ്ടിനാണ് (ഏകദേശം 3.9 ബില്യണ്‍ ഡോളര്‍) കഴിഞ്ഞ ഒക്ടോബറില്‍ ഡോര്‍ഡാഷ് ഡെലിവെറൂവിനെ ഏറ്റെടുത്തത്. ലോകമെമ്പാടുമായി 40ലധികം രാജ്യങ്ങളില്‍ നിലവില്‍ ഡോര്‍ഡാഷ് സാന്നിധ്യമുണ്ട്.

ALSO READ: ദുബൈയില്‍ എയര്‍ ടാക്‌സി ബുക്കിങ് ഇനി ഉബര്‍ ആപ്പിലൂടെയും | Uber Air App

Deliveroo, the British food delivery giant, is set to cease operations in Qatar and Singapore, its US owner DoorDash has confirmed, just months after acquiring the company. DoorDash, which completed its takeover of the London-based firm last year, announced the withdrawal from the two Asian markets.