HOME
DETAILS

ഫോറസ്റ്റ് റിസര്‍ച്ച് ഇന്‍സ്റ്റിറ്റ്യൂട്ടില്‍ വനഗവേഷണത്തില്‍ പിഎച്ച്ഡി; പരീക്ഷ കേന്ദ്രം തൃശൂരിലും; അപേക്ഷ 28 വരെ

  
June 23 2024 | 12:06 PM

phd in forest research institute apply now


വന ഗവേഷണ, പഠന മേഖലയില്‍ ഇന്ത്യയിലെ പ്രശസ്തമായ സ്ഥാപനമായ ഫോറസ്റ്റ് റിസര്‍ച്ച് ഇന്‍സ്റ്റിറ്റ്യൂട്ട് യൂണിവേഴ്‌സിറ്റി, ഡെഹ്‌റാഡൂണ്‍ ഇപ്പോള്‍ പിഎച്ച്ഡി പ്രവേശനത്തിന് അപേക്ഷ ക്ഷണിച്ചിട്ടുണ്ട്. പിഎച്ച്ഡി പഠനത്തിനായി 55 ശതമാനം മാര്‍ക്ക് അഥവാ തുല്യ ഗ്രേഡോടെ പ്രസക്ത വിഷയത്തിലെ മാസ്റ്റര്‍ അഥവാ എംഫില്‍ ബിരുദമോ തുല്യ യോഗ്യതയോ ഉള്ളവര്‍ക്ക് അപേക്ഷിക്കാം. 

4 വര്‍ഷ ബി.എ കോഴ്‌സുകാര്‍ക്ക് 75 ശതമാനം മാര്‍ക്ക് വേണം. പട്ടിക, പിന്നാക്ക, ഭിന്നശേഷി വിാഭാഗക്കാര്‍ക്ക് 5ശതമാനം മാര്‍ക്ക് അഥവാ തുല്യ ഗ്രേഡ് വരെ ഇളവ് കിട്ടും. ഓരോ മേഖലയ്ക്കും ഏതേത് വിഷയങ്ങളിലെ യോഗ്യതയാണ് സ്വീകരിക്കുന്നതെന്ന് സൈറ്റിലുണ്ട്. 

യുജിസി/ യുജിസി സിഎസ് ഐആര്‍ നെറ്റ്, ഗേറ്റ്, സീഡ് സമാന ടെസ്റ്റ് വഴി ഫെലോഷിപ്പിന് യോഗ്യത നേടിയവരെ അഭിമുഖം നടത്തി തെരഞ്ഞെടുക്കും. ഈ യോഗ്യതയില്ലാത്തവര്‍ക്കായി ഡെറാഡൂണ്‍, പീച്ചി (തൃശൂര്‍), കോയമ്പത്തൂര്‍, ബെംഗളൂരു അടക്കം 11 കേന്ദ്രങ്ങളില്‍ ഓഗസ്റ്റ് 18ന് എന്‍ട്രന്‍സ് പരീക്ഷ നടത്തും. തുടര്‍ന്ന് ഇന്റര്‍വ്യൂ ഉണ്ടായിരിക്കും. 

റാങ്കിങ്

എന്‍ട്രന്‍സ് പരീക്ഷയിലെ മാര്‍ക്കും, ഇന്റര്‍വ്യൂ മാര്‍ക്കിനും യഥാക്രമം 70%, 30% വെയിറ്റേജ് നല്‍കിയാണ് റാങ്കിങ്. 

മറ്റ് വിവരങ്ങള്‍

3-6 വര്‍ഷമാണ് കോഴ്‌സിന്റെ ദൈര്‍ഘ്യം. 2025 മാര്‍ച്ച് ടേമിലേക്കാണ് പ്രവേശനം. 

ഓരോ കേന്ദ്രത്തിലും സൗകര്യമുള്ള ഗവേഷണ മേഖലകള്‍ അറിയിപ്പിലുണ്ട്. ഫോറസ്റ്റ് എന്റമോളജി, ഫോറസ്റ്റ് ബയോടെക്‌നോളജി, ഫോറസ്റ്റ് ബോട്ടണി എന്നിവയ്ക്കാണ് പീച്ചിയില്‍ സൗകര്യം. 

The registrar,
FRI Deemed to be University, 
Dehradun എന്ന പേരിലുള്ള 1500 രൂപയുടെ ഡ്രാഫ്റ്റ് സഹിതം അപേക്ഷ 28 വരെ സ്വീകരിക്കും. അപേക്ഷ ഫോം വെബ്‌സൈറ്റിലെ വിജ്ഞാപനത്തിലുണ്ട്. 

പീച്ചിയിലെ കേരള ഫോറസ്റ്റ് റിസര്‍ച്ച് ഇന്‍സ്റ്റിറ്റ്യൂട്ടില്‍ എഫ്ആര്‍ ഐയ്ക്ക് പുറമെ കാലിക്കറ്റ്/ കൊച്ചി ശാസ്ത്ര സാങ്കേതിക സര്‍വകലാശാലകളുമായി ബന്ധപ്പെട്ടും പിഎച്ച് ഡി ഗവേഷണമുണ്ട്. 

കൂടുതല്‍ വിവരങ്ങള്‍ക്കും, വിജ്ഞാപനത്തിനുമായി, 

മെയില്‍- enquires@fridu.edu.in
ph: 0135-2224439
Web: http://fridu.edu.in 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."