ടെല്‍അവീവ്: ഇറാന്‍ പ്രത്യാക്രമണം കടുപ്പിച്ചതോടെ ഇസ്രാഈലില്‍ കനത്ത ജാഗ്രത. രാജ്യത്തെ ആശുപത്രികളില്‍ നിന്ന് രോഗികളെ കൂട്ടമായി ഒഴിപ്പിച്ചു. ഇറാന്‍ മിസൈലുകളെ ഭയന്ന് രോഗികളെയും മെഡിക്കല്‍ ഉദ്യോഗസ്ഥരെയും സുരക്ഷിത കേന്ദ്രങ്ങളിലേക്ക് മാറ്റാന്‍ സര്‍ക്കാര്‍ ഉത്തരവിട്ടു. ആശുപത്രികള്‍ക്ക് കീഴെ സ്ഥാപിച്ച ബങ്കറുകളിലേക്ക് മാറാനാണ് നിര്‍ദേശം. 

ഭൂഗര്‍ഭ സംവിധാനമില്ലാത്ത സര്‍ക്കാര്‍ ആശുപത്രികളില്‍ നിന്നും രോഗികളെ സ്വകാര്യ ആശുപത്രികളുടെ സംവിധാനങ്ങളിലേക്ക് മാറ്റുമെന്ന് ജറുസലേം പോസ്റ്റ് റിപ്പോര്‍ട്ട് ചെയ്തു. ബങ്കര്‍ സംവിധാനമില്ലാത്ത ആശുപത്രികള്‍ അടിയന്തര സാഹചര്യം പരിഗണിച്ച് അടച്ചു. രാജ്യത്ത് ടെലിമെഡിസിന്‍ സംവിധാനം പ്രവര്‍ത്തന ക്ഷമമാക്കുമെന്നും സര്‍ക്കാര്‍ അറിയിച്ചു. 

ALSO READ: ഇസ്രാഈല്‍ ആക്രമണം; ഇറാന്‍ പ്രതിരോധ മന്ത്രി കൊല്ലപ്പെട്ടതായി റിപ്പോര്‍ട്ട്  

അതേസമയം അമേരിക്കയും ഇസ്രാഈലും സംയുക്തമായി നടത്തിയ ആക്രമണത്തില്‍ കനത്ത തിരിച്ചടി നല്‍കാനാണ് ഇറാന്റെ തീരുമാനം. ഇസ്രാഈലിലും, ഗള്‍ഫ് രാജ്യങ്ങളിലെ അമേരിക്കന്‍ വ്യോമ താവളങ്ങളും ലക്ഷമിട്ട് നൂറുകണക്കിന് മിസൈലുകള്‍ വര്‍ഷിച്ചതായാണ് റിപ്പോര്‍ട്ട്. സഊദി, ഖത്തര്‍, ബഹ്‌റൈന്‍, കുവൈത്ത്, യുഎഇ കേന്ദ്രങ്ങള്‍ ഇറാന്‍ ലക്ഷ്യമിട്ടു. ജിസിസി രാജ്യങ്ങളില്‍ ജാഗ്രത നിര്‍ദേശം പുറപ്പെടുവിച്ചിട്ടുണ്ട്. 

ഇസ്രാഈലില്‍ ഇറാന്‍ മിസൈലുകള്‍ പതിച്ചതായാണ് റിപ്പോര്‍ട്ട്. ജറുസലേം, സെന്‍ട്രല്‍ ഇസ്‌റാഈല്‍ നഗരങ്ങള്‍ ഇറാന്‍ ആക്രമിച്ചു. അപകടത്തിന്റെ കൂടുതല്‍ വിവരങ്ങള്‍ ഇസ്‌റാഈല്‍ പുറത്തുവിട്ടിട്ടില്ല.

as iran intensifies counterattacks, israel is on high alert. patients are being evacuated from hospitals, and the government has ordered that patients and medical staff be moved to safe locations, including bunkers built under hospitals, fearing iranian missiles.