മുടി വളരണമെങ്കില്‍ തലയോട്ടിയില്‍ നിന്നു തന്നെ തുടങ്ങണം. മുടിയുടെ ആരോഗ്യം അതിന്റെ വേരുകളില്‍ നിന്നു തന്നെയാണ് തുടങ്ങുന്നത്. അതിനാല്‍ മുടി സംരക്ഷിക്കുന്നതിനു വേണ്ടി എന്തു ചെയ്താലും അത് തലയോട്ടിയില്‍ നിന്നു തന്നെ തുടങ്ങുക.

എന്നാല്‍ മുടിയില്‍ തേയ്്ക്കുന്ന പലതും നേരിട്ട് തലയോട്ടിയില്‍ തേയ്ക്കാന്‍ സാധിക്കില്ല. അതിനായി പ്രത്യേകം മാസ്‌ക്കളൊക്കെ ഇന്നു ലഭ്യമാണ്. അത്തരം മാസ്‌ക്കുകള്‍ വീട്ടില്‍ത്തന്നെ തയ്യാറാക്കാന്‍ ശ്രദ്ധിക്കുക. 

തൈരും മുട്ടയും തേനും ചേര്‍ത്തൊരു മാസ്‌ക് തയാറാക്കാം.

ഒരു പാത്രത്തില്‍ മുട്ട പൊട്ടിച്ചൊഴിച്ചതിനു ശേഷം ഒരു സ്പൂണ്‍ തേനും കുറച്ച് തൈരും ചേര്‍ത്ത് നന്നായി മിക്‌സ് ചെയ്യുക. ഇവ തലയോട്ടിയില്‍ തേച്ച് മസാജ് ചെയ്യുക.  20 മിനിറ്റിനു ശേഷം കഴുകിക്കളയുക. 

തേന്‍ തലമുടി വരണ്ടുപോവാതിരിക്കാനും മുടിയുടെ ആരോഗ്യത്തിനു വേണ്ട സിങ്ക്, ബയോട്ടിന്‍ എന്നിവ തൈരിലുളളതു കൊണ്ടും പ്രോട്ടിനും ബയോട്ടിനുമടങ്ങിയ മുട്ട എണ്ണമയം നിലനിര്‍ത്തി കണ്ടീഷന്‍ ചെയ്യാനും സഹായിക്കുന്നു.

ഇതിന്റെ മണം പെട്ടെന്നൊന്നും പോവുകയില്ല. അതുകൊണ്ട് ചിലപ്പോള്‍ രണ്ടോ മൂന്നോ തവണ  തല കഴുകേണ്ടി വന്നേക്കാം.