തിരുവനന്തപുരം:  സ്‌കൂള്‍ സമയം രാവിലെ എട്ട് മുതല്‍ ഉച്ചയ്ക്ക് ഒരുമണി വരെയാക്കണമെന്ന ഖാദര്‍ കമ്മിറ്റി ശുപാര്‍ശ മന്ത്രിസഭാ യോഗം തത്വത്തില്‍ അംഗീകരിച്ചു. 

നിര്‍ദേശങ്ങള്‍ ഓരോന്നും പ്രത്യേകം പരിശോധിച്ച് തീരുമാനം കൈക്കൊള്ളുമെന്ന വ്യവസ്ഥയോടെയാണ് റിപ്പോര്‍ട്ട് മന്ത്രിസഭ യോഗം അംഗീകരിച്ചത്.പ്രീ സ്‌കൂള്‍/ അംഗന്‍വാടികളുടെ സമയം പ്രാദേശിക സമൂഹം തീരുമാനിക്കുന്നതായിരിക്കും ഉചിതമെന്നാണ് നിര്‍ദേശം. നിലവില്‍ സംസ്ഥാന സിലബസിലുള്ള സ്‌കൂളുകള്‍ രാവിലെ ഒമ്പതര മുതല്‍ മൂന്നര വരെയും 10 മുതല്‍ നാലുവരെയുമാണ് പ്രവര്‍ത്തിക്കുന്നത്.

സമയമാറ്റ നിര്‍ദേശം പുരോഗമനപരമാണെന്നും എന്നാല്‍, നിലവിലെ സാമൂഹിക സാഹചര്യം ഇത്തരമൊരു സമയമാറ്റത്തിന് അനുകൂലമായിട്ടില്ലെന്നും വിശദ ചര്‍ച്ചക്കു ശേഷം തീരുമാനമെടുക്കണമെന്നും റിപ്പോര്‍ട്ടില്‍ പറയുന്നു.