കല്‍പറ്റ: വയനാട് മുണ്ടക്കൈയിലെ ഉരുള്‍പൊട്ടല്‍ ദുരന്തഭൂമിയില്‍ പ്രിയപ്പെട്ടവരുടെ ശേഷിപ്പുകള്‍ തേടി നാളെ ദുരന്തബാധിതരുടെ ബന്ധുക്കളും സുഹൃത്തുക്കളും ഇറങ്ങും.  വെള്ളിയാഴ്ച ജനകീയ തിരച്ചില്‍ നടത്തുമെന്ന് റവന്യൂ മന്ത്രി കെ. രാജന്‍ അറിയിച്ചു. അതില്‍ ദുരന്തബാധിതരുടെ ബന്ധുക്കളെയും സുഹൃത്തുക്കളെയും ഭാഗമാക്കുമെന്നും ക്യാംപുകളില്‍ കഴിയുന്നവര്‍ക്ക് ആവശ്യമെങ്കില്‍ ദുരന്തമേഖലയിലേക്ക് വരാന്‍ അവസരം നല്‍കമെന്നും മന്ത്രി കൂട്ടിച്ചേര്‍ത്തു.  

ക്യാംപുകളിലുള്ള ആളുകളെ താല്‍ക്കാലിക പുനഃരധിവാസത്തിന്റെ ഭാഗമായി വാടകവീടുകളിലേക്ക് മാറ്റുക എന്നതിനാണ് നിലവില്‍ ഏറ്റവും പ്രാധാന്യം നല്‍കുന്നത്. എത്ര പേര്‍ക്ക് സ്ഥിരമായ പുന:രധിവാസം വേണ്ടിവരുമെന്ന് കണക്കാക്കും. വാടകവീടുകളിലേക്ക് മാറ്റുന്നവരുടെ വാടക സര്‍ക്കാര്‍ നല്‍കും മന്ത്രി പറഞ്ഞു.

നഷ്ടമായ എല്ലാ രേഖകളും സര്‍ക്കാര്‍ ലഭ്യമാക്കും. സംസ്ഥാന സര്‍ക്കാറിന്റെ അധികാരപരിധിയിലെ ഒരു രേഖയും ലഭിക്കാത്ത സാഹചര്യമുണ്ടാകില്ല. നാളെ പ്രധാനമന്ത്രി വയനാട്ടിലെത്തുമ്പോള്‍ അദ്ദേഹത്തെ സ്‌നേഹത്തോടെ സ്വീകരിക്കുകയാണ്. കേന്ദ്ര സര്‍ക്കാറുമായി ഒരു തര്‍ക്കത്തിനും ഈ ഘട്ടത്തില്‍ നില്‍ക്കില്ലെന്നും മന്ത്രി വ്യക്തമാക്കി. 

In the aftermath of the landslide disaster in Mundakkai, Wayanad, families and friends of the victims will join a public search operation on Friday to look for missing loved ones.