കുവൈത്ത് സിറ്റി:കുവൈത്തിൽ  റസിഡൻസി, തൊഴിൽ നിയമങ്ങൾ ലംഘിച്ചതിന്  പ്രവാസികൾ പിടിയിലായി. സുലൈബിയ ഇൻഡസ്ട്രിയൽ ഏരിയ,ഹവല്ലി,  കബ്‌ദ് എന്നിവിടങ്ങളിലാണ് നടപടി.

റസിഡൻസി, തൊഴിൽ നിയമ ലംഘകർക്കെതിരെയുള്ള സുരക്ഷാ കാമ്പയിനുകളുടെ ഭാഗമായി സ്പെഷ്യൽ സെക്യൂരിറ്റി അഫയേഴ്‌സ് അസിസ്റ്റന്റ് അണ്ടർസെക്രട്ടറി മേജർ ജനറൽ അബ്‌ദുല്ല സഫയുടെ നേതൃത്വത്തിൽ ഇന്നലെ ഉച്ചയ്ക്കാണ് ഹവല്ലി, സുലൈബിയ ഇൻഡസ്ട്രിയൽ ഏരിയ, കബ്‌ദ് തുടങ്ങിയ ഇടങ്ങളിൽ പരിശോധന നടത്തിയത്. പരിശോധനയിൽ വിവിധ രാജ്യക്കാരായ 68 പ്രവാസികൾ നിയമം ലംഘിച്ചതായി കണ്ടെത്തി.

ഹവല്ലിയിൽ 19 നിയമലംഘകരെയും സുലൈബിയ ഇൻഡസ്ട്രിയൽ ഏരിയയിൽ 20 പേരെയും അറസ്റ്റ് ചെയ്തു. കബ്‌ദിൽ നിന്ന് 29 പേരെയും പ്രവാസികളെ പിടികൂടി.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക