ന്യൂഡൽഹി: വർഷകാല സമ്മേളനം അവസാനിപ്പിച്ച് പാർലമെന്റിന്റെ ഇരുസഭകളും അനിശ്ചിതകാലത്തേക്ക് പിരിഞ്ഞു. ഈ മാസം 12 വരെയാണ് വർഷകാല സമ്മേളനം നിശ്ചയിച്ചിരുന്നതെങ്കിലും നേരത്തെ പിരിയുകയായിരുന്നു. പാർലമെന്റിന്റെ ഇരുസഭകളിലും ബജറ്റ് നിർദേശങ്ങൾക്കുള്ള ധനബില്ല് പാസാക്കി.

ലോക്സഭയിൽ വഖ്ഫ് നിയമം ഭേദഗതി ചെയ്യുന്നതിനുള്ള ബിൽ അവതരിപ്പിക്കുകയും സംയുക്ത പാർലിമെന്ററി കമ്മിറ്റിക്ക് വിടുകയും ചെയ്തു. ഈ സമ്മേളനത്തിൽ ലോക്‌സഭയുടെ ഉൽപാദനക്ഷമത 136 ശതമാനവും രാജ്യസഭയുടേത് 118 ശതമാനവുമാണെന്ന് പാർലമെന്ററികാര്യ മന്ത്രി കിരൺ റിജിജു പറഞ്ഞു.