കണ്ണൂര്‍: ജില്ലാ ടൂറിസം പ്രമോഷന്‍ കൗണ്‍സിലിന്റെയും ഊര്‍പ്പള്ളി നവതരംഗ് സ്വയം സഹായ സംഘത്തിന്റെയും സംയുക്താഭിമുഖ്യത്തില്‍ ഓണാഘോഷ പരിപാടികളുടെ ഭാഗമായി സംഘടിപ്പിക്കുന്ന മഴയുത്സവം സംഘടിപ്പിക്കുന്നു. മൂന്നിനു വൈകുന്നേരം മൂന്നു മണിക്ക് ഊര്‍പ്പള്ളി വയലില്‍ മന്ത്രി ഇ.പി ജയരാജന്‍ ഉദ്ഘാടനം ചെയ്യും. പി ബാലന്‍ അധ്യക്ഷനാകും. വോളിബോള്‍, ഫുട്‌ബോള്‍, ക്രിക്കറ്റ്, കമ്പവലി ടൂര്‍ണമെന്റുകളും പരിപാടിയുടെ ഭാഗമായി നടക്കും. ജില്ലാ കലക്ടര്‍ മിര്‍ മുഹമ്മദലി സമ്മാനദാനം നിര്‍വഹിക്കുമെന്നു സംഘാടകസമിതി ചെയര്‍മാന്‍ പി പവിത്രന്‍, ഡി.ടി.പി.സി സെക്രട്ടറി സജി വര്‍ഗീസ്, വി ജയന്‍, ഐ.സി രാജേഷ്, കെ.ആര്‍ ഷിജില്‍, ഷമീര്‍ ഊര്‍പ്പള്ളി അറിയിച്ചു.