ഗസ്സ: ഗസ്സയില്‍ കഴിഞ്ഞ ആഴ്ച 907 കിലോ ബോംബ് വര്‍ഷിച്ച് ഇസ്‌റാഈല്‍ സേന. മനുഷ്യരക്തത്തിന്റെ കൊതി തീരാത്തെ വീണ്ടും കൂട്ടക്കൊലയ്ക്ക് തയാറെടുക്കുകയാണ് സൈന്യം. ഗസ്സയിലെ ദുരിതാശ്വാസ ക്യാംപായി പ്രവര്‍ത്തിക്കുന്ന സ്‌കൂളിനു മുകളില്‍ ബോംബു വര്‍ഷം നടത്തി 100 ലേറെ പേരെ കൊലപ്പെടുത്തിയ ഇസ്‌റാഈല്‍ സൈന്യം ഖാന്‍യൂനിസും ഒഴിയാന്‍ നിര്‍ദേശം നല്‍കി. 

പലതവണ ഒഴിപ്പിക്കപ്പെട്ട ഖാന്‍യൂനിസിലെ ജനങ്ങള്‍ വീണ്ടും മാറിതാമസിക്കണമെന്നും ഇവിടെ ആക്രമണം ശക്തിപ്പെടുത്തുമെന്നുമാണ് പുതിയ നിര്‍ദേശം. ഇതോടെ ഈ മേഖലയില്‍ ഭീതി പടരുകയാണ്.ജനങ്ങള്‍ മറ്റിടങ്ങളിലേക്ക് ഒഴിഞ്ഞു പോകുന്ന കാഴ്ചകളാണ് എവിടെയുമെന്ന് അന്താരാഷ്ട്ര മാധ്യമങ്ങള്‍ റിപ്പോര്‍ട്ട് ചെയ്തു. 

തെക്കന്‍ ഗസ്സയില്‍ നിന്ന് ഒഴിഞ്ഞു പോകാനാണ് പുതിയ നിര്‍ദേശം. മനുഷ്യത്വപരമായ മേഖലകള്‍ ഒരുക്കിയിട്ടുണ്ടെന്നും അവിടേക്ക് മാറണമെന്നുമാണ് ഇസ്‌റാഈല്‍ സേന നല്‍കിയ മുന്നറിയിപ്പ്. നിങ്ങളിപ്പോള്‍ താമസിക്കുന്ന പ്രദേശം ശക്തമായ ആക്രമണം നടക്കുന്നതിനാല്‍ സുരക്ഷിതമല്ലെന്നും അറിയിപ്പില്‍ പറയുന്നു.