രാജ്യത്തെ ജനങ്ങളിൽ സൈബർ ആക്രമണങ്ങൾ തടയുന്നതിനുള്ള സുരക്ഷാ മാനദണ്ഡങ്ങളെക്കുറിച്ച്  അവബോധം സൃഷ്ടിക്കുന്നതിനായി ഖത്തർ സെൻട്രൽ ബാങ്ക് (QCB) ദേശീയതലത്തിൽ  പ്രചാരണ പരിപാടി ആരംഭിച്ചു.

ഡിജിറ്റൽ ആക്രമണങ്ങളും, തട്ടിപ്പുകളും കൂടിവരുന്ന സാഹചര്യത്തിലാണ് ഖത്തർ സെൻട്രൽ ബാങ്ക് ഇത്തരം ഒരു പ്രചാരണപരിപാടി നടത്തുന്നത്. ഖത്തർ ആഭ്യന്തര മന്ത്രാലയം, നാഷണൽ സൈബർ സെക്യൂരിറ്റി ഏജൻസി, ഖത്തർ ഫിനാൻഷ്യൽ സെന്റർ റെഗുലേറ്ററി അതോറിറ്റി എന്നിവരുമായി സഹകരിച്ചാണ് ഖത്തർ സെൻട്രൽ ബാങ്ക് ഈ ഇൻഫർമേഷൻ സെക്യൂരിറ്റി പ്രചാരണ പരിപാടി സംഘടിപ്പിക്കുന്നത്.

വിവിധ തരത്തിലുള്ള ഡിജിറ്റൽ തട്ടിപ്പുകൾക്കിരയാകുന്നത് ഒഴിവാക്കുന്നതിനായി താഴെ പറയുന്ന കാര്യങ്ങൾ ശ്രദ്ധിക്കാൻ പൊതുജനങ്ങളോട് ഖത്തർ സെൻട്രൽ ബാങ്ക് നിർദ്ദേശിച്ചിട്ടുണ്ട്:

-പരിചയമില്ലാത്ത നമ്പറുകളിൽ നിന്നുള്ള ഫോൺ കാളുകൾ, ധനകാര്യ സ്ഥാപനങ്ങളിൽ നിന്നെന്ന് പരിചയപ്പെടുത്തിക്കൊണ്ട് വരുന്ന ഫോൺ കാളുകൾ തുടങ്ങിയവയെ ജാഗ്രതയോടെ കൈകാര്യം ചെയ്യാൻ ഖത്തർ സെൻട്രൽ ബാങ്ക് നിർദ്ദേശിച്ചിട്ടുണ്ട്.

-പരിചയമില്ലാത്ത ഇന്റർനാഷണൽ നമ്പറുകളിൽ നിന്നുള്ള ഫോൺ കാളുകൾ സ്വീകരിക്കുന്നത് ഒഴിവാക്കുക.

-സ്വകാര്യ വിവരങ്ങൾ, ബാങ്കിങ് വിവരങ്ങൾ തുടങ്ങിയവ ഒരു കാരണവശാലും ഫോണിലൂടെ പങ്ക് വെയ്ക്കാതിരിക്കുക.

-തട്ടിപ്പ് സംശയിക്കുന്ന സാഹചര്യത്തിൽ ഉടൻ തന്നെ ബന്ധപ്പെട്ട അധികൃതരുമായി ബന്ധപ്പെടുക.

-ബാങ്ക് കാർഡ് നഷ്ടപ്പെടുന്ന സാഹചര്യത്തിൽ ഔദ്യോഗിക മാർഗങ്ങളിലൂടെ ഉടൻ തന്നെ ആ കാർഡ് ബ്ലോക്ക് ചെയ്യുക.
 

-പരിചയമില്ലാത്ത പ്രാദേശിക നമ്പറുകളിൽ നിന്നുള്ള ഫോൺ കാളുകൾ ജാഗ്രതയോടെ കൈകാര്യം ചെയ്യുക.

Qatar Central Bank (QCB) has released a series of comprehensive security recommendations aimed at preventing cyber attacks on the country’s financial sector

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക