കാളികാവ്: സമസ്ത നേതാക്കള്‍ക്ക് സ്വീകരണവും മഹല്ല് സാരഥി സംഗമവും നടത്തി. കാളികാവ് ഏരിയയിലെ 31 മഹല്ലുകളുടെ കൂട്ടായ്മയായ കാളികാവ് ഏരിയ ഖാസീസ് അസോസിയേഷന്റെ നേതൃത്വത്തിലാണ് സമസ്ത നേതാക്കള്‍ക്ക് സ്വീകരണം സംഘടിപ്പിച്ചത്. കാളികാവ്  ജലീല്‍ ഫൈസി നഗറില്‍ നടന്ന യോഗം എസ്.വൈ.എസ് സംസ്ഥാന സെക്രട്ടറി അബ്ദുല്‍ ഹമീദ് ഫൈസി അമ്പലക്കടവ് ഉദ്ഘാടനം ചെയ്തു.
യോഗത്തില്‍ സമസ്ത കേരള ജംഇയ്യത്തുല്‍ ഉലമ ജനറല്‍ സെക്രട്ടറി കെ. ആലിക്കുട്ടി മുസ്‌ലിയാര്‍, കേന്ദ്ര മുശാവറ മെമ്പറായി തെരഞ്ഞെടുക്കപ്പെട്ട ഉസ്താദ് വാക്കോട് മൊയ്തീന്‍കുട്ടി ഫൈസി എന്നിവര്‍ക്കാണ് സ്വീകരണം നല്‍കിയത്.
കാളികാവ് ബി.ബി ഓഡിറ്റോറിയത്തില്‍ നടന്ന യോഗം കാളികാവ് ഖാസീസ് അസോസിയേഷന്‍ ചെയര്‍മാന്‍ സുലൈമാന്‍ ഫൈസി ചുങ്കത്തറ അധ്യക്ഷത വഹിച്ചു. മഹല്ല് സാരഥി സംഗമത്തില്‍ ഡോ.സുബൈര്‍ ഹുദവി ചേകനൂര്‍ മുഖ്യപ്രഭാഷണം നടത്തി. സമസ്ത കേന്ദ്ര മുശാവറ അംഗം ഒ. കുട്ടി മുസ്‌ലിയാര്‍ പ്രാര്‍ത്ഥനയ്ക്ക് നേതൃത്വം നല്‍കി. സുലൈമാന്‍ ഫൈസി മാളിയേക്കല്‍, യഅ്ഖൂബ് ഫൈസി, അബ്ദുല്‍ ഹകീം ഫൈസി ആദൃശ്ശേരി,  ഫരീദ് റഹ്മാനി കാളികാവ്, പി.ഹസന്‍ മുസ്‌ലിയാര്‍  പ്രസംഗിച്ചു.