മലപ്പുറം: സംസ്ഥാന യുവജനക്ഷേമ ബോര്‍ഡ് എന്റര്‍പ്രണര്‍ഷിപ്പ് ഡെവലപ്പ്‌മെന്റ് ഇന്‍സിറ്റിയൂട്ട് ഓഫ് ഇന്ത്യയുമായി സഹകരിച്ച് മലപ്പുറത്ത് സംഘടിപ്പിക്കുന്ന 15 ദിവസത്തെ സംരംഭകത്വ പരിശീലനം ജില്ലാ വ്യവസായ ഓഫിസ് ഓഡിറ്റോറിയത്തില്‍  തുടങ്ങി. പുതിയ സംരഭം തുടങ്ങുന്ന യുവാക്കള്‍ക്ക്  ദിശാബോധവും മാര്‍ഗ നിര്‍ദ്ദേശവും നല്‍കി പുതിയ സംരം ഭം തുടങ്ങാന്‍ പ്രാപ്തമാക്കുകയാണ്  പരിശീലനം കൊണ്ട് ഉദ്ദേശിക്കുന്നത്. ജില്ലാ വ്യവസായ കേന്ദ്രം ജനറല്‍ മാനേജര്‍ പി  അബ്ദുല്‍ വഹാബ് ഉദ്ഘാടനം ചെയ്തു.
ജില്ലാ യൂത്ത് പ്രോഗ്രാം ഓഫിസര്‍ രഞ്ജിത്ത്  മാമ്പ്രത്ത് അധ്യക്ഷനായി. റീന ബെന്നി, ശിവന്‍ അമ്പാട്ട്, അബ്ദുല്‍ മജീദ്, പി രാജേഷ്,  എം.വി ലൗലി, യു.പി സാലിം, എന്‍ സുഗേഷ്, ഇ ശശീധരന്‍ , കെ ബാബു രാജന്‍  സംസാരിച്ചു. ഒന്നാം ഘട്ട പരിശീലനം 25ന് അവസാനിക്കും.