കൊച്ചി: ആറന്മുള വിമാനത്താവളത്തിന് തത്വത്തില്‍ നല്‍കിയ അനുമതി പിന്‍വലിച്ചുവെന്ന് സര്‍ക്കാര്‍. നിര്‍ദ്ദിഷ്ടപ്രദേശം വ്യവസായ മേഖലയായി പ്രഖ്യാപിച്ച ഉത്തരവ് റദ്ദാക്കിയതായും ഹൈക്കോടതിയില്‍ സര്‍ക്കാര്‍ അറിയിച്ചു. ജനങ്ങളുടെ എതിര്‍പ്പിനെ തുടര്‍ന്നും അവരുടെ വികാരത്തെ മാനിച്ചുമാണ് തത്വത്തില്‍ നല്‍കിയ അനുമതി പിന്‍വലിക്കുന്നതെന്ന് സര്‍ക്കാര്‍ കോടതിയില്‍ അറിയിച്ചു. എന്നാല്‍, സര്‍ക്കാര്‍ പദ്ധതിക്ക് പൂര്‍ണ അനുമതി നല്‍കിയിരുന്നില്ല.