അബുദബി:ഡെമോക്രാറ്റിക് റിപ്പബ്ലിക് ഓഫ് കോംഗോ, നൈജീരിയ, ദക്ഷിണാഫ്രിക്ക, ഐവറി കോസ്റ്റ്, കാമറൂൺ എന്നീ അഞ്ച് ആഫ്രിക്കൻ രാജ്യങ്ങളിലേക്ക് മങ്കി പോക്സ് വാക്സിനുകൾ എത്തിക്കുമെന്ന് യു.എ.ഇ അറിയിച്ചു. 

ആഗോള ആരോഗ്യ സംരം ഭങ്ങളെ പിന്തുണയ്ക്കുന്നതിനും ആരോഗ്യപ്രതിസന്ധികൾ കൈ കാര്യം ചെയ്യുന്നതിൽ രാജ്യങ്ങളെ സഹായിക്കുന്നതിനുമുള്ള രാജ്യത്തിന്റെ നിരന്തര പ്രതിബദ്ധത ഊന്നിപ്പറയുന്ന യു.എ.ഇ പ്രസി ഡന്റ് ശൈഖ് മുഹമ്മദ് ബിൻ സാ യിദ് അൽ നഹ്‌യാന്റെ നിർദേശങ്ങൾ പാലിച്ചാണ് ഈ മാനു ഷിക നീക്കം. നിരവധി വിമാനങ്ങളിലായാണ് വാക്സിനുകൾ എത്തിക്കുക. 

ആരോഗ്യ രംഗത്ത് കാര്യമായ വെല്ലുവിളി ഉയർത്തുന്ന മങ്കി പോക്സ് വൈറസിന്റെ വ്യാപനം നി ന്ത്രിക്കുന്നതിനും ലഘുകരിക്കുന്നതിനുമുള്ള ഈ രാജ്യങ്ങളുടെ ശ്രമങ്ങളെ ശക്തിപ്പെടുത്തുകയാണ് ഈ സംരംഭം വഴി ലക്ഷ്യമിടുന്നത്. "ആഗോള തലത്തിൽ മാനുഷികവും ആരോഗ്യപരവുമായ പ്രവർത്തനങ്ങൾ വർധിപ്പിക്കാനുള്ള യു.എ.ഇയുടെ പ്രതിബദ്ധതയാണ് ഈ പിന്തുണ പ്രതിഫലിപ്പിക്കുന്നത്. 

പ്രതിസന്ധിയുടെയും ദുരന്തത്തിന്റെയും സമയങ്ങളിൽ മറ്റ് രാജ്യങ്ങളെ സഹായിക്കാനുള്ള ഞങ്ങളുടെ സമർപ്പണവും ഇത് എടുത്തു കാണിക്കുന്നു" -സഹായത്തിന്റെ പ്രാധാന്യത്തെക്കുറിച്ച് യു.എ.ഇ സഹ മന്ത്രി ശൈഖ് ശഖ്ബൂത് ബിൻ നഹ്‌യാൻ അൽ നഹ്‌യാൻ പറഞ്ഞു. ഈ സംരംഭം യു.എ.ഇയുടെ മാനുഷിക മൂല്യങ്ങ ഉൾക്കൊള്ളുന്നുവെന്നും, ലോകമെമ്പാടുമുള്ള ആരോഗ്യ അത്യാഹിതങ്ങൾ ബാധിച്ച സമൂഹങ്ങൾക്ക് സഹായവും ആശ്വാസവും പകരാനുള്ള തങ്ങളുടെ തുടർച്ചയായ ശ്രമങ്ങളുടെ ഭാഗമാണിതെന്നും അദ്ദേഹം തുടർന്നു.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക