ദുബൈ: റബീഉല്‍ അവ്വല്‍ മാസത്തില്‍ ഗള്‍ഫ് സുപ്രഭാതം സംഘടിപ്പിക്കുന്ന ക്വിസ് മത്സരത്തിന് നാളെ മുതല്‍ തുടക്കമാകും. പ്രവാചക തിരുമേനിയുടെ ജീവിത ദര്‍ശനത്തെ കുറിച്ചും വ്യക്തിത്വത്തെ കുറിച്ചും പൊതുജനങ്ങള്‍ക്ക് കൂടുതല്‍ അറിയുവാനുള്ള അവസരമൊരുക്കുന്നതിനാണ് ക്വിസ് മത്സരം സംഘടിപ്പിക്കുന്നത്. 30 ദിവസവും ഗള്‍ഫ് സുപ്രഭാതത്തില്‍ പ്രത്യേക കോളവും ഗള്‍ഫ് സുപ്രഭാതം ഓണ്‍ലൈന്‍ പ്ലാറ്റ്‌ഫോമുകളില്‍ ക്വിസ് മത്സരവുമാണ് നടക്കുക. ശരിയുത്തരം എഴുതുന്ന ആളുടെ പേര് അടുത്ത ദിവസം പത്രത്തില്‍ പ്രസിദ്ധീകരിക്കും. എല്ലാ ദിവസവും ആകര്‍ഷകമായ സമ്മാനവും അവസാനം എല്ലാ മത്സരാര്‍ഥികളേയും ഉള്‍പെടുത്തി മെഗാസമ്മാനവും ഉണ്ടായിരിക്കുമെന്ന് ഗള്‍ഫ് സുപ്രഭാതം  കോഡിനേറ്റര്‍ സയ്യിദ് ശുഐബ് തങ്ങള്‍ അറിയിച്ചു.

വിശദ വിവരങ്ങൾക്ക് ഗ്രൂപ്പിൽ ജോയിൻ ചെയ്യുക