കാസര്‍കോട്: കേന്ദ്ര സര്‍ക്കാരിന്റെ തൊഴിലാളി വിരുദ്ധ നിലപാടുകളില്‍ പ്രതിഷേധിച്ച് 12 ഇന അവകാശ പത്രിക മുന്നോട്ട് വെച്ച് നാളെ നടക്കുന്ന ദേശീയ പണിമുടക്കിനുള്ള ഒരുക്കങ്ങള്‍ പൂര്‍ത്തിയായതായി സംയുക്ത ട്രേഡ് യൂനിയന്‍ നേതാക്കള്‍ വാര്‍ത്താ സമ്മേളനത്തില്‍ അറിയിച്ചു. പണിമുടക്കിന്റെ ഭാഗമായി ഇന്നു രാവിലെ ജില്ലയുടെ വിവിധ ഭാഗങ്ങളില്‍ തൊഴിലാളികള്‍ പ്രകടനം നടത്തു. രണ്ടിനു പണിമുടക്കിയ തൊഴിലാളികള്‍ പഞ്ചായത്തു തലത്തിലും പ്രകടനം നടത്തും. കാലിക്കടവ്, ചെറുവത്തൂര്‍, നീലേശ്വരം, കോട്ടച്ചേരി, ഒടയംചാല്‍, ഭീമനടി, കുണ്ടംകുഴി, ബദിയടുക്ക, ചെര്‍ക്കള, ബോവിക്കാനം, പാലക്കുന്ന്, കാസര്‍കോട് ,കുമ്പള, ഹൊസങ്കടി എന്നീ കേന്ദ്രങ്ങളിലും പ്രകടനം നടത്തും. വാര്‍ത്താ സമ്മേളനത്തില്‍ ട്രേഡ് യൂനിയന്‍ നേതാക്കള്‍ പങ്കെടുത്തു.