കൊച്ചി: സിനിമ മേഖലയില്‍ പ്രവര്‍ത്തിക്കുന്ന മുഴുവന്‍ തൊഴിലാളികളെയും കരാര്‍ പരിധിയില്‍ കൊണ്ടുവരണമെന്ന് വിമണ്‍ ഇന്‍ സിനിമ കലക്ടീവ് (ഡബ്ല്യു.സി.സി). സിനിമ മേഖലയില്‍ വരുത്തേണ്ട മാറ്റങ്ങളുടെ തുടക്കമെന്ന നിലയില്‍ ഡബ്ല്യു.സി.സി സമര്‍പ്പിക്കുന്ന ആദ്യ നിര്‍ദേശമാണിത്.

അഭിനേതാക്കളുള്‍പ്പെടെ എല്ലാ തൊഴിലാളികള്‍ക്കും തൊഴില്‍ കരാര്‍ നല്‍കുക, സിനിമയുടെ പേര്, തൊഴിലുടമയുടെയും ജീവനക്കാരന്റെയും വിശദാംശങ്ങള്‍, പ്രതിഫലവും നിബന്ധനകളും, ജോലി പ്രൊഫൈല്‍, കാലാവധിയും ക്രെഡിറ്റുകളും, പോഷ് ക്ലോസ് എന്നിവ കരാറില്‍ ഉള്‍പ്പെടുത്തണം തുടങ്ങിയ നിര്‍ദേശങ്ങളാണ് ഡബ്ല്യു.സി.സി മുന്നോട്ടുവെച്ചിട്ടുള്ളത്. കരാര്‍ ലംഘനങ്ങള്‍ പരാതിയായി ഉന്നയിക്കാന്‍ അവകാശമുണ്ടാകണമെന്നും ഡബ്ല്യു.സി.സി ഫേസ്ബുക് പോസ്റ്റിലൂടെ ആവശ്യപ്പെട്ടു.

"The Women's Collective in Cinema (WCC) has issued its first directive, making contracts mandatory for all workers in the film industry. Learn more about this significant move towards protecting workers' rights."