=മലപ്പുറം:  പെരിന്തല്‍മണ്ണയില്‍ മരിച്ചയാളുടെ സ്രവ പരിശോധനയില്‍ നിപ സ്ഥിരീകരിച്ചതോടെ യുവാവിന്റെ സമ്പര്‍ക്കപ്പെട്ടിക ആരോഗ്യവകുപ്പ് പുറത്തുവിട്ടു. 26 പേരാണ് യുവാവുമായി നേരിട്ട് സമ്പര്‍ക്കം പുലര്‍ത്തിയത്. തിരുവാലി പഞ്ചായത്ത് അംഗങ്ങളും ആരോഗ്യവകുപ്പ് ഉദ്യോഗസ്ഥരും യോഗം ചേര്‍ന്നു. നിപ ഔദ്യോഗികമായി സ്ഥിരീകരിച്ച ശേഷമേ തുടര്‍നടപടികളിലേക്ക് കടക്കുകയുള്ളു. 

സെപ്തംബര്‍ 9നാണു പെരിന്തല്‍മണ്ണയിലെ എം.ഇ.എസ് മെഡിക്കല്‍ കോളജില്‍ വച്ചു യുവാവ് മരിച്ചത്. ബംഗളൂരുവില്‍ പഠിക്കുകയായിരുന്നു ഇയാള്‍. വെള്ളിയാഴ്ച സാംപിള്‍ മെഡിക്കല്‍ കോളജില്‍ എത്തിക്കുകയും മെഡിക്കല്‍ കോളജ് മൈക്രോബയോളജി വിഭാഗത്തില്‍ നടത്തിയ പിസിആര്‍ പരിശോധനയില്‍ ഫലം പോസിറ്റീവാകുകയും ആയിരുന്നു. തുടര്‍ന്ന് സ്ഥിരീകരണത്തിനായി പുണെ നാഷനല്‍ വൈറോളജി ഇന്‍സ്റ്റിറ്റ്യൂട്ടിലേക്ക് സാംപിള്‍ അയച്ചു. അതിന് ശേഷമായിരിക്കും ഔദ്യോഗിക സ്ഥരീകരണം.