കോഴിക്കോട്: പേരാമ്പ്ര അഞ്ചാം പീടികയില്‍ അമ്മയും പിഞ്ചുകുഞ്ഞും കിണറ്റില്‍ വീണ് മരിച്ചനിലയില്‍ കണ്ടെത്തി. അഞ്ചാം പീടിക ഇല്ലത്തും മീത്തല്‍ കുട്ടി കൃഷ്ണന്റെ മകള്‍ ഗ്രീഷ്മ(36)യും തന്റെ മൂന്നുമാസം പ്രായമുള്ള പെണ്‍കുഞ്ഞുമാണ് വീടിനടുത്തുള്ള കിണറ്റില്‍ വീണ നിലയില്‍കണ്ടത്.

ബഹളം കേട്ട്  ഓടിയെത്തിയ നാട്ടുകാരും പേരമ്പ്ര അഗ്നിരക്ഷാസേനയും ഇവരെ പുറത്തെടുത്തു. തുടര്‍ന്ന് ആശുപത്രിയില്‍ കൊണ്ടു പോയെങ്കിലും രക്ഷിക്കാന്‍  കഴിഞ്ഞില്ല. ഗ്രീഷ്മ കുഞ്ഞിനെയും എടുത്ത് കിണറ്റില്‍ ചാടുകയായിരുന്നിരിക്കാമെന്നാണ് കരുതുന്നത്.

വിവാഹം കഴിഞ് കൂറേ നാളുകള്‍ക്കു ശേഷമാണ് ദമ്പതികള്‍ക്ക് കുഞ്ഞു പിറന്നത്. പ്രസവശേഷം ഭര്‍താവിന്റെ വീട്ടിലേക്ക് പോവാനിരിക്കെയാണ് സംഭവം. പൊലിസ് സ്ഥലത്തെത്തി വിവരങ്ങള്‍ ശേഖരിച്ചു.മൃതദേഹം കോഴിക്കോട് മെഡിക്കല്‍ കോ ളജിലേക്കു മാറ്റിയിട്ടുണ്ട്. ലിനീഷാണ് ഗ്രീഷ്മയുടെ ഭര്‍ത്താവ്.