ഡല്‍ഹി: രാജ്യത്ത് വീണ്ടും ഡ്രൈവറില്ലാ മെട്രോ ട്രെയിനുകള്‍ യാഥാര്‍ത്ഥ്യമാകുന്നു. ഇന്ത്യയില്‍ ആദ്യമായി 'മേക്ക് ഇന്‍ ഇന്ത്യ' പദ്ധതിയ്ക്ക് കീഴില്‍ തയ്യാറാക്കുന്ന ഡ്രൈവറില്ലാ മെട്രോ ട്രെയിനുകള്‍ തലസ്ഥാന നഗരമായ ഡല്‍ഹിയിലായിരിക്കും സര്‍വീസ് നടത്തുക. ആദ്യ സെറ്റ് ട്രെയിനുകള്‍ ആന്ധ്രാപ്രദേശിലെ ശ്രീ സിറ്റിയില്‍ നിന്നാണ് എത്തുക. ഇന്ന് ഡല്‍ഹി മെട്രോ കുടുംബത്തിന് ചരിത്രപരമായ ദിവസമാണെന്ന് ഡല്‍ഹി മെട്രോ റെയില്‍ കോര്‍പ്പറേഷന്‍ (ഡിഎംആര്‍സി) മാനേജിംഗ് ഡയറക്ടര്‍ വികാസ് കുമാര്‍ പറഞ്ഞു. 

ഡ്രൈവറില്ലാ ട്രെയിനുകള്‍ക്ക് മണിക്കൂറില്‍ 95 കിലോ മീറ്റര്‍ വരെ സുരക്ഷിതമായ വേഗതയില്‍ സഞ്ചരിക്കാന്‍ സാധിക്കും. 85 കിലോ മീറ്റര്‍ വരെ പ്രവര്‍ത്തന വേഗതയില്‍ പ്രവര്‍ത്തിക്കാന്‍ കഴിയുന്ന തരത്തിലാണ് ട്രെയിന്‍ സെറ്റുകളുടെ രൂപകല്‍പ്പന. ഡല്‍ഹി മെട്രോയുടെ മൂന്ന് ലൈനുകളില്‍ രണ്ട് എക്സ്റ്റന്‍ഷനുകളും പുതിയ ഗോള്‍ഡ് ലൈന്‍ 10 ലും 64.67 കിലോ മീറ്റര്‍ വരെ വേഗതയില്‍ ട്രെയിനുകള്‍ സഞ്ചരിക്കുമെന്ന് ഡിഎംആര്‍സി എംഡി വികാസ് കുമാര്‍ വ്യക്തമാക്കി. 2022 നവംബറിലാണ് 52 ട്രെയിന്‍ സെറ്റുകള്‍ക്ക് ഓര്‍ഡര്‍ നല്‍കിയത്. 312 ദശലക്ഷം യൂറോയാണ് പദ്ധതിയുടെ പ്രതീക്ഷിത ചെലവ്. ഡല്‍ഹി മെട്രോയുടെ ഫേസ് 4 വിപുലീകരണത്തിന്റെ ഭാഗമായാണ് ഡ്രൈവറില്ലാ ട്രെയിനുകള്‍ എത്തുന്നത്.

 India introduces driverless metro trains, reaching speeds of 95 km/h, as part of the 'Make in India' initiative, enhancing urban mobility and showcasing indigenous technological advancements.