ദുബൈ:നമ്പർ പ്ലേറ്റുകൾ ലേലത്തിന് ദുബൈ രണ്ടക്കം മുതൽ അഞ്ചക്കം വരെയുള്ള നമ്പർ പ്ലേറ്റുകളുടെ ലേലം ഒക്ടോബർ 12 ശനിയാഴ്ച്ച നടത്തുമെന്ന് ദുബൈ റോഡ്‌സ് ആൻഡ് ട്രാൻസ്പോർട്ട് അതോറിറ്റി (ആർ ടി എ) അറിയിച്ചു. 116-ാമത് ഓപ്പൺ ലൈസൻസിംഗ് പ്ലേറ്റ് ലേലമാണിത്. 

സൂപ്പർ നമ്പർ പ്ലേറ്റുകളായ എ എ 17, വി 96 എന്നിവ ഇക്കൂട്ടത്തിലുണ്ട്. എ എ, എൽ, എൻ, പി, ക്യൂ, ആർ, എസ്, ടി, യൂ, വി, ഡബ്ള്യു, എക്സ്, വൈ, സെഡ് സീരീസുകൾ ലഭ്യമായിരിക്കും.

ലേലക്കാരുടെ രജിസ്ട്രേഷൻ ഒക്ടോബർ 7 തിങ്കളാഴ്‌ച ആരംഭിക്കും. ജുമൈറ ബീച്ച് ഹോട്ടലിൽ വൈകിട്ട് നാലരയ്ക്ക് ലേലം തുടങ്ങും, ആർടിഎയുടെ വെബ്സൈറ്റ്, ദുബൈ ഡ്രൈവ് ആപ്പ് അല്ലെങ്കിൽ ഉമ്മുൽ റമൂൽ, ദേര, അൽ ബർശ എന്നിവിടങ്ങളിലെ ആർടി എയുടെ ഏതെങ്കിലും കസ്റ്റമർ ഹാപ്പിനെസ് സെന്റററുകൾ വഴി ലേലത്തിന് രജിസ്റ്റർ ചെയ്യാം.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക