ചെന്നൈ: രാഷ്ട്രീയ വിവാദങ്ങള്‍ക്കിടെ ഡി.എം.കെ നേതാക്കളുമായി ചര്‍ച്ച നടത്തി പി.വി അന്‍വര്‍ എം.എല്‍.എ. നാളെ രാഷ്ട്രീയ പാര്‍ട്ടി പ്രഖ്യാപിക്കാനിരിക്കെയാണ് അപ്രതീക്ഷിത കൂടിക്കാഴ്ച്ച. ഡി.എം.കെ നേതാക്കളുമായി അന്‍വര്‍ കൂടിക്കാഴ്ച്ച നടത്തിയതിന്റെ ചിത്രങ്ങള്‍ പുറത്തുവന്നു. 

ശനിയാഴ്ച പുലര്‍ച്ചെയാണ് പി.വി. അന്‍വര്‍ മഞ്ചേരിയിലെ വസതിയില്‍ നിന്ന് ചെന്നൈയിലേക്ക് പോയത്. ചെന്നൈയിലെ കെ.ടി.ഡി.സി റെയിന്‍ ഡ്രോപ്‌സ് ഹോട്ടലില്‍ വച്ചായിരുന്നു കൂടിക്കാഴ്ച്ചയെന്നാണ് സൂചന. മുസ്‌ലിം ലീഗിന്റെ തമിഴ്‌നാട് ജനറല്‍ സെക്രട്ടറി കെ.എ.എം.മുഹമ്മദ് അബൂബക്കര്‍, ലീഗിന്റെ മറ്റ് സംസ്ഥാന നേതാക്കളും കൂടിക്കാഴ്ച്ചയില്‍ പങ്കെടുത്തതായാണ് വിവരം. 

ഞായറാഴ്ച വൈകിട്ട് വിളിച്ചുചേര്‍ത്തിരിക്കുന്ന പൊതുയോഗത്തില്‍ നിര്‍ണായക പ്രഖ്യാപനങ്ങളുണ്ടാകുമെന്നാണ് വിലയിരുത്തല്‍.