ദുബൈ: ദുബൈ മെട്രോയിലും ട്രാമിലും ഇസ്കൂട്ടറുകൾ കൊണ്ടുപോകുന്നതിന് ഏർപ്പെടുത്തിയിരുന്ന നിരോധനം ആർ.ടി.എ പിൻവലിച്ചു. കർശന മാനദണ്ഡങ്ങൾ പാലിച്ച് ഇസ്കൂട്ടറുകൾ കൊണ്ടുപോകാമെന്ന് ആ.ടി.എ അധികൃതർ അറിയിച്ചു. സീറ്റില്ലാത്തതും മടക്കി കൈയിൽ കൊണ്ടു പോകാവുന്നതുമായ ഇസ്കൂട്ടറുകൾക്കാണ് അനുമതി നൽകിയിരിക്കുന്നത്.

ഇവ 120/70/40 സെന്റി മീറ്റർ വലിപ്പത്തിലുള്ളതോ 20 കിലോയിൽ കൂടുതൽ ഭാരമുള്ളതോ ആവാൻ പാടില്ല.ദുബൈ മെട്രോയിലും ട്രാമിലും ഇസ്കൂട്ടറുകൾ കൊണ്ടുപോകാനുള്ള പ്രധാന നിബന്ധനകൾ ഇവയാണ്. 1 മെട്രോയിലോ ട്രാം പരിസരത്തോ ഇസ്കൂട്ടർ ചാർജ് ചെയ്യാൻ പാടില്ല. ഇവിടങ്ങളിൽ പ്രവേശിക്കുമ്പോൾ പവർ ഓഫ് ചെയ്യണം. കേടായ ബാറ്ററികളോ, ഇരട്ട ബാറ്ററികളോ ഇല്ലെന്ന് ഉറപ്പു വരുത്തണം.പരിസ്ഥിതി മലിനീകരണം ഉണ്ടാക്കുന്നില്ലെന്നും ബാറ്ററികൾ അന്തർദേശിയ നിലവാരം പുലർത്തുന്നതാണെന്നും ഉറപ്പു വരുത്തേണ്ടതുണ്ട്.

സ്റ്റേഷനുകളിലോ നടപ്പാതകളിലോ ഇ-സ്കൂട്ടർ ഓടിക്കരുത്. നനഞ്ഞതോ വൃത്തിഹീനമോ ആയിരിക്കരുത്. സ്റ്റേഷനിലേക്കോ ട്രാമിലേക്കോ പ്രവേശിക്കുമ്പോൾ ഇസ്കൂട്ടർ മടക്കിവെക്കണം. യാത്രക്കാർക്ക് തടസ്സമുണ്ടാക്കാൻ പാടില്ല. അപകടകരമായ രീതിയിൽ നീണ്ട് നിൽക്കുന്ന ഭാഗങ്ങൾ സുരക്ഷിത മായി മറയ്ക്കണം.ഇ-സ്കൂട്ടറുമായി പോകുമ്പോൾ എപ്പോഴും ശ്രദ്ധ പുലർത്തണം,ഇത്തരം വാഹനങ്ങൾ സുരക്ഷിതമായി കൊണ്ടുപോകുക എന്നത് യാത്രക്കാരുടെ മാത്രം ഉത്തരവാദിത്തമാണ്.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക