തെല്‍അവീവ്: ഇസ്രാഈലിനെ ലക്ഷ്യമിട്ട് പ്രത്യാക്രമണം ശക്തമാക്കി ഇറാന്‍. സെന്‍ട്രല്‍ ഇസ്‌റാഈല്‍, ജെറുസലേം എന്നീ നഗരങ്ങള്‍ ലക്ഷ്യമാക്കി ഇറാന്‍ മിസൈല്‍ തൊടുത്തുവിട്ടതായാണ് റിപ്പോര്‍ട്ട്. നേരത്തെ ഇസ്രാഈലിന്റെ വിവിധ ഭാഗങ്ങളില്‍ ഇറാന്റെ മിസൈലുകള്‍ പതിച്ചിരുന്നു. ആക്രമണത്തിലുണ്ടായ നാശനഷ്ടങ്ങളെ കുറിച്ച് ഇസ്‌റാഈല്‍ ഇതുവരെ പ്രതികരിച്ചിട്ടില്ല. 

അതിനിടെ ഇറാനെതിരായ യുഎസ്-ഇസ്രാഈല്‍ ആക്രമണങ്ങളെ അപലപിച്ച് ലോകരാജ്യങ്ങള്‍ രംഗത്തെത്തി. തങ്ങള്‍ ആക്രമണത്തിന്റെ ഭാഗമല്ലെന്നും എന്നാല്‍ ഇറാന്റെ സുരക്ഷ, പരമാധികാരം എന്നിവ മാനിക്കണമെന്നും ചൈന പ്രതികരിച്ചു. ചൈനക്ക് പുറമെ, റഷ്യ, സ്‌പെയിന്‍ രാജ്യങ്ങളും ഇറാനെതിരായ ആക്രമണത്തെ അപലപിച്ച് രംഗത്തെത്തി. 

അതേസമയം ഇസ്‌റാഈല്‍ ആക്രമണത്തില്‍ ഇറാന്‍ പരമോന്നത നേതാവ് ആയത്തുള്ള ഖാംനഇ കൊല്ലപ്പെട്ടെന്ന വാര്‍ത്ത ഇറാന്‍ നിഷേധിച്ചു. തനിക്കറിയാവുന്നിടത്തോളം ഖാംനഈ സുരക്ഷിതനാണെന്ന് ഇറാന്‍ വിദേശകാര്യ മന്ത്രി അബ്ബാസ് അരാഗ്ച്ചി പറഞ്ഞു.

ALSO READ: ഇസ്രാഈല്‍ ആക്രമണം; ഇറാന്‍ പ്രതിരോധ മന്ത്രി കൊല്ലപ്പെട്ടതായി റിപ്പോര്‍ട്ട്  

iran has intensified counterattacks targeting israel, reportedly launching missiles at central israel and jerusalem.