പത്തനംതിട്ട: ശബരിമല മേല്‍ ശാന്തിയായി എസ്. അരുണ്‍കുമാര്‍ നമ്പൂതിരിയെ തിരഞ്ഞെടുത്തു. കൊല്ലം ശക്തികുളങ്ങര സ്വദേശിയാണ്. പന്തളം രാജകുടുംബത്തിലെ കുട്ടിയായ ഋഷികേഷ് വര്‍മയാണ് ശബരിമല മേല്‍ശാന്തിയെ തരെഞ്ഞെടുത്തത്. മാളികപ്പുറം മേല്‍ശാന്തിയായി വാസുദേവന്‍ നമ്പൂതിരിയെയും തിരഞ്ഞെടുത്തു.

കോഴിക്കാട്ടുകാരനാണ്. പന്തളം രാജകുടുംബത്തിലെ കുട്ടിയായ വൈഷ്ണവി മാളികപ്പുറമാണ് മാളികപ്പുറം മേല്‍ശാന്തിയെ നറുക്കെടുത്തത്. ശബരിമലയിലേക്ക് 25 പേരും മാളികപ്പുറത്തേക്ക് 15 പേരുമായിരുന്നു അന്തിമ പട്ടികയിലുണ്ടായിരുന്നത്. അടുത്ത ഒരു വര്‍ഷത്തേക്കാണ് സന്നിധാനത്തിന്റെയും മാളികപ്പുറത്തിന്റെയും ചുമതല നിര്‍വഹിക്കാനുള്ള മേല്‍ശാന്തിക്കാരെ തിരഞ്ഞെടുത്തത്.