തിരുവനന്തപുരം: കേരളമടക്കമുള്ള സംസ്ഥാനങ്ങളില്‍ ഗവര്‍ണര്‍മാര്‍ മാറുന്നു. കേരളത്തില്‍ ആരിഫ് മുഹമ്മദ് ഖാനു പകരം അഡ്മിറല്‍ ദേവേന്ദ്ര കുമാര്‍ ജോഷി ആയിരിക്കും പുതിയ ഗവര്‍ണര്‍. നാവികസേന മുന്‍ മേധാവിയാണ് ജോഷി. നിലവില്‍ ആന്‍ഡമാന്‍ നിക്കോബാര്‍ ലഫ്റ്റനന്റ് ഗവര്‍ണറാണ്.

പുതിയ ജമ്മു കശ്മീര്‍ ലഫ്റ്റന്റ് ഗവര്‍ണറായി റാം മാധവ് എത്തിയേക്കും. ഗോവ ഗവര്‍ണര്‍ പി.എസ് ശ്രീധരന്‍ പിള്ള അടക്കമുള്ളവര്‍ക്കും മാറ്റം ഉണ്ടായേക്കാം. ഗവര്‍ണര്‍മാരുടെ മാറ്റം ജാര്‍ഖണ്ഡ് - മഹാരാഷ്ട്ര നിയമസഭാ തെരഞ്ഞെടുപ്പുകള്‍ക്ക് ശേഷമായിരിക്കും എന്നാണ് പുറത്തുവരുന്ന റിപോര്‍ട്ടുകള്‍. കേരള ഗവര്‍ണര്‍ ആരിഫ് മുഹമ്മദ് ഖാന്റെ കാലാവധി കഴിഞ്ഞമാസം പൂര്‍ത്തിയായിരുന്നു.