കൊച്ചി: വയനാട് ലോക്‌സഭാ മണ്ഡലത്തിലെ യുഡിഎഫ് സ്ഥാനാര്‍ഥി പ്രിയങ്ക ഗാന്ധി ഈ മാസം 23 ന് പത്രിക സമര്‍പ്പിക്കും. കൂടാതെ 23 മുതല്‍ പത്ത് ദിവസം മണ്ഡലത്തില്‍ പര്യടനം നടത്തും. വയനാട്, റായ്ബറേലി എന്നീ ലോക്‌സഭാ മണ്ഡലങ്ങളില്‍ വിജയിച്ചതിനെ തുടര്‍ന്ന് രാഹുല്‍ ഗാന്ധി വയനാട് ഒഴിഞ്ഞതോടെയാണ് ഉപതെരഞ്ഞെടുപ്പ്.

സത്യന്‍ മൊകേരിയാണ് പ്രിയങ്കയ്‌ക്കെതിരെ എല്‍ഡിഎഫ് സ്ഥാനാര്‍ഥിയായി മത്സരിക്കുന്നത്. ബിജെപി ഇന്ന് സ്ഥാനാര്‍ഥിയെ പ്രഖ്യാപിക്കും എന്നാണ് റിപ്പോര്‍ട്ടുകള്‍.

കഴിഞ്ഞ തെരഞ്ഞെടുപ്പില്‍ 364422 വോട്ടുകള്‍ക്കാണ് രാഹുല്‍ ഗാന്ധി വിജയിച്ചത്. സിപിഐ സ്ഥാനാര്‍ഥിയായ ആനി രാജ ക്ക് 283,023 വോട്ടുകള്‍ ലഭിച്ചപ്പോള്‍ ബിജെപി സ്ഥാനാര്‍ഥി കെ സുരേന്ദ്രന് 141,045 വോട്ടുകള്‍ ലഭിച്ചു. 2019ലെ തെരഞ്ഞടുപ്പില്‍ റെക്കോര്‍ഡ് ഭൂരിപക്ഷത്തിനാണ് വയനാട്ടില്‍ രാഹുല്‍ ഗാന്ധി വിജയിച്ചത്. ആകെ പോള്‍ ചെയ്ത വോട്ടിന്റെ 64.7 ശതമാനവും രാഹുലിന് ലഭിച്ചിരുന്നു.

Priyanka Gandhi is set to embark on a 10-day tour of Wayanad, Kerala, arriving on October 23rd. This significant visit is expected to bolster Congress support in the region.