ദോഹ: ഖത്തറില്‍ ശൂറാ കൗണ്‍സില്‍ തെരഞ്ഞെടുപ്പുമായി ബന്ധപ്പെട്ട ഹിതപരിശോധന ചൊവ്വാഴ്ച (ഒക്ടോബര്‍) നടക്കും. 18 വയസ് തികഞ്ഞ രാജ്യത്തെ പൗരന്മാര്‍ക്കെല്ലാം ഹിതപരിശോധനയില്‍ പങ്കെടുക്കാം. ശൂറാ കൗണ്‍സില്‍ തെരഞ്ഞെടുപ്പ് അവസാനിപ്പിച്ച് നോമിനേഷന്‍ സമ്പ്രദായം കൊണ്ടുവരുന്നതിനു വേണ്ടിയുള്ള ഭരണഘടനാ ഭേദഗതിക്കായാണ് ഹിതപരിശോധന നടത്തുന്നത്.

രാവിലെ 7 മണിക്ക് ആരംഭിക്കുന്ന ഹിതപരിശോധന വൈകിട്ട് ഏഴ് മണിവരെ തുടരും. 24 മണിക്കൂറിനുള്ളില്‍ ഫല പ്രഖ്യാപനം നടക്കും. ഹിതപരിശോധനക്കായി ആഭ്യന്തര മന്ത്രാലയത്തിന് കീഴില്‍ പ്രത്യേക കമ്മിറ്റി രൂപീകരിക്കാനും അമീര്‍ ശൈഖ് തമീം ബിന്‍ ഹമദ് അല്‍താനി നിര്‍ദേശം നല്‍കി. ശൂറാ കൗണ്‍സിലിലെ അംഗങ്ങളെ തെരഞ്ഞെടുക്കുന്നതുമായി ബന്ധപ്പെട്ട് ഭേദഗതി തയ്യാറാക്കാന്‍ മന്ത്രിമാരുടെ കൗണ്‍സിലിനോട് ആവശ്യപ്പെട്ടതായി അമീര്‍ അറിയിച്ചിരുന്നു.

2021 ഒക്ടോബറിലാണ് ശൂറാ കൗണ്‍സിലിലേക്ക് തെരഞ്ഞെടുപ്പ് നടന്നത്, ഇതില്‍ മൂന്നില്‍ രണ്ടു ഭാഗം അംഗങ്ങളെ വോട്ടെടുപ്പിലൂടെയാണ് തെരഞ്ഞെടുത്തത്. അതേസമയം 45 അംഗ കൗണ്‍സിലിലെ 30 പേര്‍ വോട്ടെടുപ്പിലൂടെ തെരഞ്ഞെടുക്കപ്പെട്ടപ്പോള്‍ ശേഷിച്ച 15 പേര്‍ നേരിട്ട് നിയമിക്കപ്പെടുകയായിരുന്നു. അതേസമയം മുഴുവന്‍ അംഗങ്ങളെയും നോമിനേറ്റ് ചെയ്യുന്ന രീതിയിലേക്ക് മാറുന്നതിനാണ് ഇപ്പോള്‍ ഹിതപരിശോധന നടക്കുന്നത്.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

The Shura Council election and consultation in Qatar are set to take place this Thursday. This significant event is expected to shape the country's future. Stay updated on key developments and outcomes.