കേന്ദ്ര സര്‍ക്കാര്‍ സ്ഥാപനമായ കോള്‍ ഇന്ത്യ ലിമിറ്റഡില്‍ ജോലിയവസരം. കൊല്‍ക്കത്ത ആസ്ഥാനമായി പ്രവര്‍ത്തിക്കുന്ന സ്ഥാപനത്തിലേക്ക് എഞ്ചിനീയറിങ് യോഗ്യതയുള്ളവര്‍ക്കാണ് അവസരം. മാനേജ്‌മെന്റ് ട്രെയിനി പോസ്റ്റില്‍ 640 ഒഴിവുകളുണ്ട്. ഒരു വര്‍ഷത്തേക്കുള്ള കരാര്‍ നിയമനങ്ങളാണ് നടക്കുന്നത്. ഉദ്യോഗാര്‍ഥികള്‍ക്ക് നവംബര്‍ 28 വരെ ഓണ്‍ലൈന്‍ അപേക്ഷ നല്‍കാം. ഗേറ്റ് 2024 ലെ അപേക്ഷകരുടെ സ്‌കോറുകള്‍ അടിസ്ഥാനമാക്കിയാണ് അര്‍ഹരായ ഉദ്യോഗാര്‍ഥികളെ തിരഞ്ഞെടുക്കുന്നത്. 

തസ്തിക & ഒഴിവ്

കോള്‍ ഇന്ത്യ ലിമിറ്റഡില്‍ മാനേജ്‌മെന്റ് ട്രെയിനി റിക്രൂട്ട്‌മെന്റ്. ആകെ 640 ഒഴിവുകള്‍. 

മൈനിങ് = 263

മെക്കാനിക്കല്‍ = 104

സിവില്‍ = 91 

സിസ്റ്റം = 41

ഇ & ട്രെയിനി = 39 എന്നിങ്ങനെയാണ് ഒഴിവുകള്‍. 

പ്രായപരിധി

30 വയസ് വരെയാണ് പ്രായപരിധി. 

ശമ്പളം

പരിശീലന കാലയളവില്‍ പ്രതിമാസം 50,000 രൂപ മുതല്‍ 1,6000 രൂപ വരെ സ്റ്റൈപ്പന്റ് ലഭിക്കും. 

തെരഞ്ഞെടുക്കപ്പെടുന്നവര്‍ക്ക് 60,000 രൂപ മുതല്‍ 1,80,000 രൂപ വരെ ശമ്പളമായി ലഭിക്കും. 

യോഗ്യത

മൈനിങ്, മെക്കാനിക്കല്‍, സിവില്‍

ബന്ധപ്പെട്ട ട്രേഡുകളില്‍ കുറഞ്ഞത് 60 ശതമാനം മാര്‍ക്കോടെ എഞ്ചിനീയറിങ് ബിരുദം കരസ്ഥമാക്കിയവര്‍ ആയിരിക്കണം. 

സിസ്റ്റം

സിസ്റ്റം വിഭാഗത്തില്‍ 41 ഒഴിവുകള്‍ ഉണ്ട്, കമ്പ്യൂട്ടര്‍ സയന്‍സ് / കമ്പ്യൂട്ടര്‍ എഞ്ചിനീയറിംഗ് / ഐടിയില്‍ കുറഞ്ഞത് 60 ശതമാനം മാര്‍ക്കോടെയുള്ള ബിഇ / ബിടെക് / ബിഎസ്സി (എഞ്ചിനീയറിംഗ്) ബിരുദം അല്ലെങ്കില്‍ ഏതെങ്കിലും ഫസ്റ്റ് ക്ലാസ് ബിരുദമുള്ള എംസിഎ എന്നിവ ഉള്ളവര്‍ക്ക് പ്രസ്തുത തസ്തികയിലേക്ക് അപേക്ഷിക്കാം.

ഇ ആന്റ് ടി 

ഇ ആന്റ് ടി ട്രെയിനികള്‍ക്കായി 39 ഒഴിവുകള്‍ ആണ് ഉള്ളത്. അപേക്ഷകര്‍ ബന്ധപ്പെട്ട എഞ്ചിനീയറിംഗ് ബ്രാഞ്ചില്‍ കുറഞ്ഞത് 60 ശതമാനം മാര്‍ക്കോടെ ബി ഇ / ബി ടെത് / ബി എസ്സി (എഞ്ചിനീയറിംഗ്) ബിരുദം നേടിയിട്ടുള്ളവരായിരിക്കണം.

അപേക്ഷ

ഉദ്യോഗാര്‍ഥികള്‍ നവംബര്‍ 28നുള്ളില്‍ അപേക്ഷ നല്‍കണം. അപേക്ഷിക്കുന്നതിനും, വിജ്ഞാപനം ലഭിക്കുന്നതിനുമായി www.coalindia.in സന്ദര്‍ശിക്കുക.

Management Trainee at Coal India Limited Can get salary of lakhs Application by November 28

കൂടുതൽ തൊഴിൽ വാർത്തകള്‍ക്ക് ഗ്രൂപ്പിൽ ജോയിന്‍ ചെയ്യുക

കരിയര്‍ വാര്‍ത്തകള്‍ telegram ലഭിക്കാന്‍ ഈ ഗ്രൂപ്പ് ജോയിന്‍ ചെയ്യുക