കൊച്ചി: ഫാക്ട് ചെയര്‍മാനും മാനേജിങ് ഡയറക്ടറുമായ ജയ്‌വീര്‍ ശ്രീവാസ്തവയുടെ നേതൃത്വത്തിലുള്ള സംഘം മുഖ്യമന്ത്രി പിണറായി വിജയനെ സന്ദര്‍ശിച്ച് കമ്പനിയുടെ പ്രവര്‍ത്തനപുരോഗതി ധരിപ്പിച്ചു. പിണറായി വിജയന്‍ മുഖ്യമന്ത്രിയായി ചുമതലയേറ്റ ശേഷം നടക്കുന്ന ആദ്യത്തെ കൂടിക്കാഴ്ചയായിരുന്നു ഇത്.
ഫാക്ടിന്റെ വിവിധ യൂണിറ്റുകളുടെ പ്രവര്‍ത്തനം മെച്ചെടുത്തുന്നതിലും പുതിയ യൂറിയ- അമോണിയ പ്ലാന്റ് സ്ഥാപിക്കുന്നതിലും മുഖ്യമന്ത്രി ഏറെ താല്‍പ്പര്യം പ്രകടിപ്പിച്ചതായി ഫാക്ട് എം.ഡി ജയ് വീര്‍ പറഞ്ഞു. കമ്പനിയുടെ സാമ്പത്തിക പ്രശ്‌നങ്ങളെപ്പറ്റിയും പ്രവര്‍ത്തനമൂലധനത്തെപ്പറ്റിയും ശ്രീവാസ്തവ മുഖ്യമന്ത്രിയോടു വിശദീകരിച്ചു.